Vazirlar Mahkamasining 725-sonli qaroriga asosan, xorijdagi migrantlarni himoya qilish va qo‘llab-quvvatlash jamg‘armasi tashkil etilgan. Uning nizomida ish faoliyati davomida vafot etgan fuqarolarga yordam ko‘rsatish alohida belgilangan. Murojaat qilgan marhumning yaqinlaridan faqat yozma ariza, murojaatchining fuqaroligini tasdiqlovchi hujjat va vafot etgan fuqaroning o‘lganligini tasdiqlovchi ma’lumotnoma talab qilinadi. Bu haqda 23-yanvar kuni AOKAda OAV vakillari uchun bo‘lib o‘tgan matbuot anjumanida ma’lum qilindi, deya xabar bermoqda “Daryo” muxbiri Mirolim Isajonov.
“Fuqarolarimizning chet el davlatlariga borib, vafot etishi albatta, ayanchli holat. Bu kabi voqealar yurtdoshlarimizga ham, marhumlarning oila a’zolariga qattiq ta’sir qiladi. Xorijda olamdan o‘tgan fuqarolarning jasadini olib kelishga o‘rtacha 1000—1500 AQSh dollari atrofida mablag‘ ketadi. Barcha xarajatlar davlat tomonidan qoplanadi.
2019-yilda 308 nafar migrantning jasadi O‘zbekistonga olib kelindi. Ulardan 299 nafari Rossiyada, qolgani esa Yaponiya, Koreya, Germaniya, Qozog‘iston, Turkiya, Ozarbayjon, Shvetsiya kabi davlatlarda vafot etgan. Har bir murdani olib kelishga o‘rtacha 1000 dollar miqdorida mablag‘ sarflangan”, – degan Tashqi mehnat migratsiyasi agentligi boshlig‘i Baxtiyor Tursunov.
Mavzuga doir:
“O‘tgan yili jami 680 nafar o‘zbek fuqarosi chet elda vafot etgan. Shundan 308 nafarining jasadi O‘zbekistonga xatlangan. Marhumlarning asosiy qismini uzoq yildan beri xorijda doimiy yashaganlar tashkil etadi”, – deydi TIV vakili.
Mavzuga doir:
- O‘zbekiston FVV: Tomskdagi yong‘inda 10 nafar o‘zbekistonlik halok bo‘lgan
- Tomskda 10 nafar o‘zbekistonlik halok bo‘lgan yong‘in joyidan olingan video e’lon qilindi
- Tomskdagi yong‘inda halok bo‘lgan 9 nafar o‘zbekistonlikning shaxsi aniqlandi
- Tomskdagi yong‘inda halok bo‘lgan o‘ninchi o‘zbekistonlikning shaxsi aniqlandi
Izoh (0)