22-yanvar kuni Aqto‘be viloyati Irg‘iz tumani hududida Samara—Chimkent avtomobil trassasida sodir bo‘lgan yo‘l-transport hodisasi oqibatida yengil-avtomobil yo‘lovchisi, O‘zbekiston fuqarosi N.S. vafot etdi. Bu haqda O‘zbekistonning Aqtau shahridagi Bosh konsulxonasi ma’lumotiga asoslanib, TIV matbuot xizmati xabar berdi.
Bosh konsulxona vaziyatni nazoratga oldi va Qozog‘istonning tegishli idoralari bilan tezkor aloqa o‘rnatdi, deyiladi xabarda.
Shuningdek, Bosh konsulxona xabar berishicha, ob-havo sharoitining yomonlashgani tufayli Qozog‘istonning 9 ta viloyatida 48 ta uchastka barcha turdagi avtotransport vositalari uchun vaqtincha yopildi. 23—25-yanvar kunlari kuchli qor yog‘ishi va bo‘ron davom etadi.
TIV Konsullik-huquqiy departamenti marhumning oila a’zolari va yaqinalariga ta’ziya bildiradi va O‘zbekiston fuqarolari e’tiborini avtobuslarda yoki avtomobil transportining boshqa turlarida mazkur mamlakatga kirishda yoki uning hududidan o‘tishda ehtimoliy risklarni hisobga olish va tegishli choralar ko‘rish zarurligiga qaratadi, deyiladi xabarda.
Izoh (0)