Futbol bo‘yicha O‘zbekiston olimpiya terma jamoasi Tailand mezbonlik qilayotgan U-23 Osiyo chempionatining yarim finalida Saudiya Arabistoniga 0:1 hisobida yengildi.
Lyubinko Drulovich shogirdlarining mag‘lubiyati ijtimoiy tarmoqlarda muxlislarning turli munosabatlariga sabab bo‘ldi. “Daryo”esa ushbu munosbatlarning eng e’tiborga moliklarini bitta sahifaga joyladi.
Taniqli futbol sharhlovchisi Xayrulla Hamidov Eldor Shomurodov bo‘lishini orzu qildi. Kamiga olimpiyachilarning uchinchi o‘rin uchun bahsda g‘alaba qozona olishiga ishonch bildirdi
“Eldor Shomurodov uch daqiqa o‘ynab berganida edi...”“Durang, yutdik, yutqazdik, yutdik, yutqazdik. Endi yutish navbati... Va bu haqiqiy Olimpiada yo‘llanmasi bo‘ladi. Insha Alloh!”
Muxlislar esa o‘zimizni aldashdan qachon to‘xtashimizni bong urmoqda
“O‘zimizni aldashdan qachon charchaymiz?”“Biz qarsak chalish va o‘zimizni aldashni yaxshi ko‘ramiz”
“Ishqilib, uchinchi o‘rin uchun Avstraliya bilan o‘yin bo‘lsin. Koreya “duximiz”ni olib bo‘lgan”
“Ravshan Ermatovgayam qoyil qolmadim! Nima balo, hurmati yarim finalgacha o‘tadi, xolosmi? Bo‘lmapti. Bitta penalti qo‘yib bermadiya”
“Avstraliyani ham Koreyani ham yuta olmaymiz. Saudiya osonroq edi. Menimcha, Tokio yo‘llanmasi uxladi.”
“Qarsak chalish bo‘yicha Olimpiada yo‘llanmasini bizdan hech kim tortib ola olmaydi”
“Agar boshingni asfaltga urib yorsang, shu o‘yin qayta o‘tkaziladi deyishsa, ikkilanmay boshni g‘arsillatib yerga urib, qip-qizil qonga bo‘yab tashlardim”
“Bugundan boshlab futbol tamom, qani baring qo‘lingga kitob ol. Ma’naviyatni yuksaltiramiz”
“Bu bolalarda g‘alaba ruhiyati yo‘q. Yonmayapti, jonini bermayapti. Murabbiy ham bechora bashara, xarizma yo‘q...”
“Futbolchilar soliqlardan olgan oyliklarini qaytarishsin. Abgor ahvoldagi onkologiyaga yo‘naltiramiz o‘sha mablag‘ni!”
“Bizga yaxshi hujumchi kerak “srochno”. Toshoynalarni qidirishni boshladik”
“Bizniklarning xayolida final edi. Salga havolanadi. Semizlikni qo‘y ko‘taradi. Qanaqa mashina berarkin deb rosa o‘ylab xursand bo‘lib ketishgandir”
“Essiz vaqtim-a! Ochiq darvozagayam urolmadi. Nechta imkoniyatni qo‘ldan chiqardi. Eh mayli, “Zato” bizda “Bunyodkor” stadioni bor”
Izoh (0)