Huawei kompaniyasi 2019-yil uchun dastlabki natijalarni hisoblab chiqdi, 2019-yilda sotuvdan tushgan real daromad 120 milliard AQSh dollaridan oshdi va bu avvalgi davrga taqqoslaganda 18 foizga ko‘p.
Kompaniyaning smartfonlar ishlab chiqarish bo‘yicha faoliyati barqaror o‘sishda davom etmoqda: 2019-yil davomida 240 million dona qurilma yetkazib berildi. Barcha ssenariylarda va qurilmalarda, shu jumladan shaxsiy kompyuterlar, planshetlar, taqiladigan qurilmalar va aqlli ekranlar borasida iste’molchilar bilan o‘zaro intelektual aloqa uchun ekotizimni ishlab chiqishda rivojlanishga erishildi. O‘tgan yili kompaniya hisoblash texnikasi sohasida o‘zining biznes strategiyasini namoyish etdi va ikkita yangi mahsulotni – dunyodagi eng tezkor SI-protsessor – Ascend 910 va sun’iy intellektning o‘rganish klasterini sotdi.
Huawei kompaniyasining korporativ biznesi turli sohalarda kompaniyaning mijozlarini raqamli transformatsiya qilish uchun asos yaratishda davom etmoqda. Dunyo bo‘ylab Fortune Global 500 ro‘yxatidagi 700 dan ortiq shahar va 228 ta kompaniya Huawei kompaniyasini raqamli transformatsiya bo‘yicha hamkor sifatida tanladilar. Huawei biznesidagi operatorlar segmenti 5G tarmoqlarini tijoriy ravishda keng tarqatishda yetakchi o‘rinni egallaydi, bugungi kunga qadar Huawei kompaniyasi 5G qurilmalarini yetkazib berish bo‘yicha 60 dan ortiq shartnomalar tuzdi va butun dunyo bo‘ylab 450 000 dan ortiq bazaviy stansiyalarini (antennalar) yetkazib berdi.
5G iqtisodiy o‘sishni rag‘batlantiradi
2020-yilda Huawei dunyoda 5G tarmog‘ini tarqatish bo‘yicha o‘z faoliyatini davom ettiradi.
5G asosiy sohalarga yangi hayot bag‘ishlaydi. STL Partners konsalting kompaniyasi, 5G dasturlari 2030-yilga kelib butun dunyo bo‘yicha YAIM’ga 1,4 trillion AQSh dollarini qo‘shishi mumkinligini ta’kidlamoqda. Garchi ko‘pgina sohalar bundan foyda ko‘rishsa-da, ular orasida ikkita soha – ishlab chiqarish va sog‘liqni saqlash sohalari bundan ko‘proq yutishadi.Qayta ishlash sanoatida 2039-yilga kelib, 4 foizga (740 milliard AQSh dollari atrofida) o‘sish kutilmoqda. Sog‘liqni saqlash sohasi esa, 90 milliard dollargacha xarajatlarni tejashi mumkin va bunda 5G tarmog‘i 1 milliard yangi bemor uchun tibbiy xizmatdan foydalanish imkoniyatini yaxshilashga yordam beradi.
O‘zbekistonda ham Huawei sog‘liqni saqlash sohasini raqamlashtirishga katta e’tibor qaratmoqda. Shunday qilib, 2019-yilda Huawei kompaniyasi O‘zbekiston Respublikasi Axborot texnologiyalari va kommunikatsiyalarini rivojlantirish vazirligi va Xitoyning hamkor kompaniyasi Henan Costar Group bilan hamkorlikda shoshilinch tibbiy xizmatning call-markazlarini zamonaviy AKT yechimlari bilan jihozlash va eng yangi tibbiy asbob-uskunalar va AKT texnologiyalar bilan ta’minlangan tez yordam mashinalarini yetkazib berish bo‘yicha loyihani amalga oshirishga kirishdi.
Yaqin kelajakda, O‘zbekistonda 5G texnologiyalarining ishga tushirilishi bilan, tez yordam mashinalariga ulangan ilovalar katta ma’lumotlarni yig‘ish va qayta ishlash bo‘yicha natijalarni yanada yaxshilaydi va aholiga tibbiy xizmat ko‘rsatish darajasini oshirishga imkon beradi. 5G tarmog‘i tarmoqqa ulangan qurilmalarning internetga ishonchli ulanishini ta’minlaydi, ma’lumotlarning yo‘qolishini oldini oladi va kechikishni 10 millisekundgacha qisqartiradi, ya’ni ma’lumotlar real vaqt tartibida yig‘iladi. Bularning barchasi ijtimoiy sohalarning, sanoatning va umuman iqtisodiyotning asosiy tarmoqlarining samaradorligini oshishiga imkon beradi.
O‘zbekistonda 5G ning to‘liq ommaviy sinovi 2019-yil sentabr oyida ICT WEEK 2019 anjumani davomida Ucell va Uzmobile uyali aloqa operatorlari tarmoqlari va Huawei kompaniyasining innovatsion uskunalari asosida o‘tkazildi. Sinovning o‘tkazilishi O‘zbekiston Prezidentining o‘tgan yil aprel oyida Pekindagi Huawei shtab-kvartirasiga tashrifi chog‘ida belgilab bergan topshiriqlari doirasida o‘tkazildi.
Reklama huquqi asosida.
Izoh (0)