Bosh prokuratura huzuridagi Majburiy ijro byurosi Toshkent shahar boshqarmasi hamda Toshkent shahar IIBB Yo‘l harakati xavfsizligi boshqarmasi bilan hamkorlikda poytaxtning 12 ta ko‘chalasida reyd o‘tkazmoqda. Bu haqda “Daryo”ga MIB matbuot xizmati xabar bermoqda.
Ma’lum qilinishicha, 2019-yilning 11-iyunidan 31-dekabriga qadar Toshkent yo‘llarida o‘tkazilgan reydda qoidani buzib o‘z vaqtida jarimalarni to‘lamagan jami 136 627 nafar qoidabuzar haydovchilar aniqlangan.
Ulardan jami 41 milliard 142 million so‘m jarima undirilgan. Shuningdek, haydovchilar ixtiyoriy – 60 kun muddatda jarimalarni to‘lamaganligi oqibatida, MIB 48 071 ta qoidabuzarlardan 15 milliard 979 million so‘m undirgan.
Bundan tashqari, MIB 2020-yil boshidan 8 553 ta avtomashinani jarima maydonlariga joylashtirgan.
Izoh (0)