Ukraina bosh vaziri Aleksey Goncharuk iste’foga chiqish to‘g‘risida ariza yozdi va uni prezident Vladimir Zelenskiyga topshirdi. Bu haqda Zelenskiyning Twitter’ida aytiladi.
Xabarda aytilishicha, Zelenskiy ushbu arizani ko‘rib chiqadi va yaqin vaqt ichida natijalar ma’lum qilinadi.
17-yanvar kuni Goncharuk o‘zining Facebook’dagi sahifasida iste’foga chiqishi haqida yozdi.
“Men bu lavozimga prezident dasturi ijrosini bajarish uchun kelganman. U men uchun shaffoflik va tartib namunasi hisoblanadi. Ammo, prezidentga ishonchimiz va hurmatimizga bo‘lgan har qanday shubhalarni bartaraf etish uchun men iste’fo to‘g‘risida ariza yozdim va uni parlamentga kiritish huquqi bilan prezidentga topshirdi”, — deb yozgan Goncharuk Facebook’dagi sahifasida.
Shu kunlarda internetda Goncharuk bilan bog‘liq mojaroli audioyozuvlar tarqalgan, ularda Ukraina bosh vaziri ekani aytilgan ovoz sohibi Milliy bank rahbari va Moliya vaziri bilan birga mamlakat iqtisodiy siyosatini muhokama qilishgani, ular prezident Vladimir Zelenskiyni iqtisodiy siyosatda layoqatsizligi haqida gaplashishgani aks etgandi.
Izoh (0)