Telegram’dagi “Platforma.uz” kanalining yozishicha, shu hafta oxiri va kelgusi hafta o‘rtalarigacha O‘zbekistonning yangi tarkibdagi parlamenti faoliyati bilan bog‘liq bir qator muhim siyosiy tadbirlar bo‘lishi kutilmoqda.
Xususan, joriy hafta yakunida, ya’ni 19-yanvar, yakshanba kuni Oliy Majlis Qonunchilik palatasi deputatlari va Senat a’zolariga guvohnomalar topshiriladi.
- 20-yanvar, dushanba kuni O‘zbekiston Prezidenti har ikki palata vakillari oldida alohida-alohida chiqish qiladi — dastlab Qonunchilik palatasida, so‘ng Senatda ma’ruza qiladi;
- 21-yanvar, seshanba kuni esa Parlament ikkala palatasining qo‘shma majlisi o‘tkazilib, unda Shavkat Mirziyoyev ma’ruza qilishi kutilmoqda;
- 22-yanvar, chorshanba kuni Shavkat Mirziyoyev Oliy Majlisga Murojaatnoma yo‘llashi kutilmoqda. 2020-yilga qo‘yilgan yil nomi ham shunda e’lon qilinishi mumkin.
Shavkat Mirziyoyev 2018-yil 28-dekabrida Parlamentga murojaatnoma yo‘llagan va o‘shanda 2019-yilga Faol investitsiyalar va ijtimoiy rivojlanish yili deb nom berilgandi. O‘zbekiston Prezidenti 2017-yildan beri Parlamentga murojaatnoma yo‘llab, kelgusi yilda amalga oshiriladigan islohotlar va davlat loyihalari borasidagi takliflarini berib kelmoqda. Ilk bor yo‘llangan murojaatnomadan keyin 2018-yil “Faol tadbirkorlik, innovatsion g‘oyalar va texnologiyalarni qo‘llab-quvvatlash yili” bo‘lgan.
Izoh (0)