Vakillar palatasi Trampning impichmentiga oid ishni Senatga yo‘naltirdi

AQSh Vakillar palatasi prezident Donald Trampning impichmentiga oid ishni Senatga yo‘naltirishga ovoz berdi, deb xabar qiladi Meduza.

Ishni Senatga oshirishni 228 kongressmen qo‘llab-quvvatlagan bo‘lsa, 193 nafari qarshi ovoz bergan.

Vakillar palatasi Trampning impichmenti bo‘yicha dekabr oyida ovoz bergandi. Prezident o‘z mansabini suiiste’mol qilish va Kongress ishiga xalaqit berishda aybdor deb topilgan.

Trampni lavozimidan chetlatish uchun senatorlarning uchdan ikki qismi ovoz berishi kerak. Deyarli barcha tahlilchilarning fikriga ko‘ra, senatdagi akariyat joy respublikachilarga tegishli bo‘lgani sabab Trampning impichmenti ehtimolligi juda kam. Vakillar palatasidagi birida respublikachi ham impichmentga ovoz bermagan.

Eslatib o‘tamiz, AQShda prezidentga impichment e’lon qilish masalasida surishtiruv ishlari boshlangan. Mojaro Donald Trampning Ukraina prezidenti Vladimir Zelenskiy bilan telefon suhbati chog‘ida Xanter Bayden ishi bo‘yicha hamkasbiga bosim o‘tkazishi natijasida boshlangandi.