Rossiya tashqi ishlar vaziri vazifasini bajaruvchi Sergey Lavrov iste’foga chiqqanidan so‘ng nima ish qilishi haqida gapirdi, deb yozadi “Interfaks”.
“Men o‘tgan yillar mobaynida ham shunchaki qandaydir lavozimlarni egallamaganman. Men shunchaki o‘z vazifamni sidqidildan ado etganman. Hozir ham shunday qilishda davom etaman”, — deydi siyosatchi.
Lavrov o‘z nutqida yangi hukumat tarkibida qolish qolmasligi haqida gapirmagan.
Lavrov o‘z lavozimini 15-yanvar kuni tark etdi. Bu haqda Rossiya bosh vaziri Dmitriy Medvedevning mamlakat hukumati iste’foga chiqishi haqidagi bayonotida ma’lum bo‘ldi. O‘sha paytda Lavrov Toshkentda edi.
Avvalroq O‘zbekistonda Sergey Lavrov uchun lag‘mon tayyorlab berishgani haqida xabar berilgan edi.
Izoh (0)