Yaponiya atrof muhitni muhofaza qilish vaziri, mamlakat sobiq bosh vaziri Koidzumi Dzyun’itironing o‘g‘li — Sindziro Koidzumi bola parvarishi ta’tiliga chiqishga qaror qildi. Bu haqda NHK telekanaliga tayanib RBK xabar berdi.

Foto: AP

Vazir va uning rafiqasi Kristel Takigava yaqin haftalarda to‘ng‘ich fazandi tug‘ilishini kutmoqda. Shundan so‘ng Sindziro Koidzumi 3 oy ichida 2 haftalik ta’til olishni, shuningdek, ish faoliyatiga zarar yetkazmaslik uchun masofadan turib qisqartirilgan tartibda ishlashni rejalashtirmoqda. U, shuningdek, vazirlik xodimlari bilan videoaloqa orqali majlislar o‘tkazadi.