Futbol bo‘yicha O‘zbekiston olimpiya terma jamoasi 15-yanvar, chorshanba kuni 23 yoshgacha bo‘lgan futbolchilar o‘rtasida 2020-yilgi Osiyo chempionatida 3-tur uchrashuvini guruh peshqadami Janubiy Koreyaga qarshi olib boradi.

Bankok yaqinidagi “Tammasat” stadionida bo‘lib o‘tadigan uchrashuv Toshkent vaqti bilan 15:15 da start oladi.

“Daryo” esa mazkur bellashuvdan matnli onlayn translyatsiyani amalga oshiradi.

Sahifani yangilash

13:56. Assalomu alaykum, aziz futbol ixlosmandlari. C guruhida bugun hal qiluvchi o‘yin. O‘zbekiston olimpiya terma jamoasi guruh g‘olibligi uchun Janubiy Koreyaga qarshi bahs olib boradi. Ushbu bellashuvni mazkur sahifada matnli onlayn tarzida kuzatishingiz mumkin.

Mag‘lub bo‘lgan bo‘lsak-da, keyingi bosqichga chiqqanimiz bilan barcha muxlislarni tabriklaymiz. 

Bo‘ldi, Eron Xitoyni 1:0 hisobida mag‘lub etdi. O‘zbekiston guruhda 2-o‘rinni olib, keyingi bosqichga chiqdi.

90+. Ikkinchi bo‘limga besh daqiqa qo‘shib berildi.

87. Eron Xitoy bilan o‘yinda hisobni ochdi. O‘zbekiston gol urish kerak, yigitlar!

82. Koreyslar Ne’matov darvozasi oldida bir nechta xavfli vaziyatlarni sodir etdi

Koreyslarning ikkinchi goli

Bizga ham yoqmadi

71. GOOOOL. Afsuski, O Se Hun o‘yindagi ikkinchi golini urdi. Ne’matov o‘ta kuchli bo‘lmagan zarba oldida ojiz qoldi.

71. O‘zbekiston tarkibida “an’anaviy” o‘zgarish: Oybek Bozorov o‘rniga Nurillo To‘xtasinov maydonga tushdi.

Twitter’dagi muxlislarda bir qatra

60. Koreyada o‘zgarish: Chon Sin Vun o‘rniga Lidon Kyon tushdi

58. Hojiakbar Alijonovdan dahshatli zarba! Darvozabon qaytardi! O‘zbekiston ikkinchi bo‘limda ancha faol o‘yin namoyish etmoqda.

Birinchi bo‘limda urilgan gollarni tomosha qiling

52. Koreya jarima zarbasini noaniq amalga oshirdi.

Twitter’dagi “Ovchi” Olimpiadaga munosib emasmiz demoqda

50. Jasur Yaxshiboyevda xavfli zarba. Darvoza ustuni oldidan o‘tib ketdi.

48. Oybek Bozorovga nisbatan maydon markazida o‘ta qo‘pol o‘ynaldi. Hakam esa sariq kartochkani cho‘natidan olishni lozim topmadi.

46. Ikkinchi bo‘lim boshlandi! To‘p O‘zbekiston terma jamoasi a’zolarida

O‘zbekistonlik muxlislar terma jamoani qo‘llab-quvvatlashda davom etmoqda

Bobur haqida

Koreyaning o‘yini haqida

45+. O‘zbekiston—Janubiy Koreya uchrashuvining birinchi bo‘limi 1:1 hisobidagi durang bilan yakunlandi. Ushbu natija bizni to‘liq qanoatlantiradi. Biroq yigitlar g‘alaba durangdan yaxshi, to‘g‘rimi? Shunday ekan, ikkinchi bo‘limda sizlardan gol kutib qolamiz!

40. Bozorov Yaxshiboyev uzun pas berishda biroz xatolikka yo‘l qo‘ydi. Bobur Akmalov ta’biri bilan aytganda Jasurga bu holatda velosiped kerak edi.

38. Koreyaliklar qanotdan uzatilgan to‘pga bosh bilan zarba berdi, noaniq.

Zarbalar bo‘yicha statistika hozircha koreyslar foydasiga 2:1.

32. Biznikilar o‘ng qanotdan oldinga o‘tdi, biroq Alijonovning uzatmasi hech kimga tegmasdan maydon tashqarisiga chiqib ketdi

Boburning goliga muxlislar reaksiyasi

Bu esa O‘zbekistonning yutishiga ishonayotgan muxlis

Yaxshiboyev haqida muxlislar fikri

[twitter_video link="https://twitter.com/gumanoid__/status/1217395564607877125"]

Abduxoliqovning golini tomosha qiling!

27. Jasur Yaxshiboyevda yaxshi zarba, faqat biroz noaniq!

25. Koreyslar goldan so‘ng yana to‘p nazoratiga zo‘r bermoqda. O‘zbekiston esa qarshi hujumga o‘tishga harakat qilmoqda.

21. GOOOL! Bobur Abduxoliqovdan qoyilmaqom gol! Aziz G‘aniyevning uzatmasini Bobur koreyslar darvozasiga joylab qo‘ydi.

Bu esa Janubiy Koreya urgan gol

Guruhning ikkinchi uchrashuvi Eron—Xitoy o‘rtasida kechmoqda. Hozircha tomonlar 0:0 hisobida durang qayd etmoqda.

17. Janubiy Koreyadan yana bir xavfli hujum. Biroq to‘p noaniq tepildi.

15. Koreyslar hujum qilishdan O‘zbekiston esa himoyalanishdan hozircha charchagani yo‘q. Raqiblar navbatdagi burchak to‘pini tepadi.

12. Janubiy Koreya total ustunlikka ega bo‘lmoqda.

11. Ne’matov to‘pga chiqishda xatolikka yo‘l qo‘ydi. Yaxshi hamki, koreyslar ham to‘pga yetib kela olmadi.

10. Dastlabki 5 daqiqalikdan so‘ng koreyslar hisobda oldinga chiqib ham oldi, o‘yin tizginini esa qo‘lga ham oldi.

5. GOOOOL. O Se Hun hisobni ochdi. Uzoqdan yo‘llangan zarba yo‘l-yo‘lakay himoyachilarimizga tegib, Abduvohid Ne’matov darvozasidan joy oldi. VAR esa golni tekshirmoqda. Afsus, gol hisobga olindi.

3. Aziz G‘aniyev maydon markazida to‘xtatib qolindi. O‘zbekiston hozircha to‘pni ham o‘yinni ham nazorat qilmoqda.

1. O‘zbekiston terma jamoasi dastlabki daqiqalarda to‘pga egalik qilmoqda. Hojiakbar Alijonovga nisbatan qo‘pollik ishlatildi.

15:15. Uchrashuv boshlandi, aziz muxlislar!

15:12. Madhiyalar yangradi, hamma narsa uchrashuv boshlanishiga tayyor holatda! Olg‘a, O‘zbekiston!

Drulovich Janubiy Koreyaga qarshi asosiy tarkibni e’lon qildi

O‘zbekiston: Abduvohid Ne'matov, Ilhom Alijonov, Husniddin Aliqulov, Islom Qobilov, Hojiakbar Alijonov, Aziz G‘aniyev, Abdulla Abdullayev, Oybek Bozorov, Sanjar Qodirqulov, Jasur Yaxshiboyev, Bobur Abduholiqov.

O‘zbekiston terma jamoasi kiyim almashtirish xonasi shay holatga keltirilgan

Futbolchilarimiz stadionga yetib keldi

Janubiy Koreya olimpiyachilarining ham asosiy tarkibi ma’lum bo‘ldi

Janubiy Koreya: 1.Song Bum Kun, 3.Kang Yun Sung, 5.Jong Te Vuk, 6.Kim Dong Xyun, 7.Vu Yong Jong, 12.Kim Je Vu, 16.Jong Sung Von, 17.Um Vun Sang, 18.Oh Se Xun, 20.Von Du Je, 22.Yun Jong Gyu.

Ikkala terma jamoa futbolchilarining maydondagi joylashuvi