Pokistonga qarashli Kashmir shtatida odamlar o‘limiga sabab bo‘lgan qor ko‘chkisi yuz berdi. Bu haqda Sinxua agentligiga tayanib “TASS” xabar bermoqda.

Foto:Bc LocalNews

Qayd etilishicha, so‘nggi sutkada hodisa oqibatida kamida 26 kishi halok bo‘lgan, 10 dan ortiq kishi bedarak yo‘qolgan deb topilmoqda. Halok bo‘lganlar va bedarak yo‘qolganlar orasida maktab o‘quvchilari ham bor. Hozirda qidiruv-qutqaruv operatsiyasi davom etmoqda.

Kuchli yomg‘ir, o‘pirilish va ko‘chki oqibatida ko‘plab binolar, shu jumladan uylar ham shikastlangan.

13-yanvar kuni Pokistonda kuchli yog‘ingarchilik oqibatida kamida 26 kishi halok bo‘lgani haqida xabar berilgan. Mamlakat meteoroloniya markazi ma’lumotlariga ko‘ra, mamlakat tog‘li hududlarini qamrab olgan kuchli yog‘ingarchilik yaqin bir necha kunda ham davom etishi mumkin.