Yuqorichirchiq tumanida o‘tkazilgan tezkor tadbirda “Yik ota” MFYda joylashgan avtomobillarga gaz to‘ldirish shoxobchasining noqonuniy faoliyati fosh etildi. Bu haqda “Daryo”ga MIB matbuot xizmati xabar berdi.
Ma’lum bo‘lishicha, ushbu avtomobillarga gaz to‘ldirish shoxobchasida “O‘zstandart” agentligining yildagi xulosasiga ko‘ra, shoxobchaga o‘rnatilgan gaz hisoblash uskunasining ko‘rsatkichlarini o‘zgartirish maqsadida oxirgi tekshiruv kunidan, ya’ni 2019-yilning 1-noyabridan 22-noyabriga qadar hisoblagichga tashqi aralashuv orqali ta’sir etib foydalanilgan.
Ushbu “gaz zapravka”ga o‘rnatilgan tabiiy gaz jihozlarining 1 soatlik gaz sarfi 1200 m3/soatiga tashkil etishi, ushbu davrda gaz hisoblagichga tashqi ta’sir natijasida jami 604 800 m3 tabiiy gaz sarflanib, 604 million 800 ming so‘mlik zarar yetkazganligi aniqlangan.
Yuqoridagi holatda “Hududgaz Toshkent” MChJ mansabdor shaxslari mansab vakolatini suiiste’mol qilib, o‘z mansab vakolatlaridan qasddan foydalanib, yuqoridagi shoxobchada o‘rnatilgan gaz hisoblash uskunasidagi yuqori kuchli “Supervizor” parolini ushbu shoxobcha mansabdor shaxslariga noqonuniy ravishda taqdim etilganligi yoki xabardor qilinganligi natijasida ko‘rsatkichlarini o‘zgartirish maqsadida tashqi ta’sir ko‘rsatib, juda ko‘p miqdorda gaz sarflanib, katta summada zarar yetkazgani aniqlangan.
Yuqoridagilarga ko‘ra, jamiyat mansabdor shaxslari va boshqalarga nisbatan Jinoyat kodeksining 185-2-moddasi (Elektr, issiqlik energiyasi, gaz, vodoprovoddan foydalanish qoidalarini buzish) 4-qismi bilan, “Hududgaz Toshkent” MChJ mansabdor shaxslarining harakatlarida esa hokimiyat yoki mansab vakolatini suiiste’mol qilish, o‘z mansab vakolatlaridan qasddan foydalanish jinoyati alomatlari mavjudligini inobatga olib, Jinoyat kodeksining 205-moddasi 2-qismi “a” bandi (Hokimiyat yoki mansab vakolatini suiiste’mol qilish orqali juda ko‘p miqdorda zarar yetkazish) bilan jinoyat ishi qo‘zg‘atilgan.
Izoh (0)