Bugun, 13-yanvar kuni barcha siyosiy partiyalardan Xalq deputatlari Andijon viloyat Kengashiga saylangan deputatlarning birinchi sessiyasi bo‘lib o‘tdi, deb xabar berdi Andijon viloyati hokimligi matbuot xizmati.
Sessiyada O‘zbekiston Respublikasi Prezidenti maslahatchisining o‘rinbosari Odil Soliyev ishtirok etdi.
Sessiyada O‘zbekiston Respublikasi Prezidenti tomonidan Andijon viloyati hokimi lavozimiga tavsiya etilgan Shuhratbek Abdurahmonovning nomzodini tasdiqlash to‘g‘risida hamda Xalq deputatlari viloyat, tuman va shahar Kengashlari deputatlarining qo‘shma majlisi maslahat kengashi a’zoligiga nomzodni tavsiya etish to‘g‘risidagi Xalq deputatlari Andijon viloyati Kengashining qarorlari qabul qilindi.
“Shundan so‘ng bir ovozdan yakdillik bilan Shuhratbek Abdurahmonov Andijon viloyati hokimi etib qaytadan saylandi”, — deyiladi xabarda.
Izoh (0)