Bugun,

  • USD 11095.31
  • RUB 173.84
  • EUR 10772.44

13-yanvar, dushanba kuni Xalq deputatlari Buxoro viloyati Kengashining oltinchi chaqiriq ilk sessiyasi o‘tkazildi, deb xabar berdi viloyat hokimligi matbuot xizmati.

Foto: Buxoro viloyati hokimligi matbuot xizmati

Foto: Buxoro viloyati hokimligi matbuot xizmati

Sessiya ishida viloyat Kengashi deputatlari, viloyat hokimining o‘rinbosarlari, viloyat hokimligining boshqarma va bo‘limlari rahbarlari, viloyat Kengashi deputati bo‘lmagan shahar va tuman hokimlari hamda huquqni muhofaza qiluvchi organlar rahbarlari, shuningdek, O‘zbekiston Respublikasi Prezidentining vakili Abdujabbor Abduvohidov ishtirok etdi.

O‘zbekiston Konstitutsiyasining 98-moddasi, shuningdek, “Mahalliy davlat hokimiyati to‘g‘risida”gi qonunning 2-moddasiga binoan viloyat hokimligiga nomzod O‘zbekiston Prezidenti tomonidan xalq deputatlari viloyat Kengashidagi partiya guruhlarining har biri bilan maslahatlashuvlar o‘tkazilganidan so‘ng ushbu Kengashga tasdiqlash uchun taqdim etilishi belgilangan.

Abdujabbor Abduvohidovning ma’lum qilishicha, qonunchilikning bu talabidan kelib chiqib, O‘zbekiston Prezidenti tomonidan viloyat hokimligiga O‘ktam Barnoyev nomzodi tavsiya etildi. Nomzod bo‘yicha partiya guruhlarining har biri bilan maslahatlashuvlar o‘tkazildi.

Sessiyada “Mahalliy davlat hokimiyati to‘g‘risida”gi qonunning 2-moddasiga ko‘ra, O‘ktam Barnoyev Buxoro viloyati hokimi lavozimiga tasdiqlash uchun xalq deputatlari Buxoro viloyati Kengashiga taqdimnoma kiritildi. Deputatlar O‘ktam Barnoyevni Buxoro viloyati hokimi etib bir ovozdan tasdiqladi.

Foto: Buxoro viloyati hokimligi matbuot xizmati

Foto: Buxoro viloyati hokimligi matbuot xizmati

Foto: Buxoro viloyati hokimligi matbuot xizmati

Foto: Buxoro viloyati hokimligi matbuot xizmati

Izoh
Asosiy yangiliklar
Mahalliy
“Hududgazta’minot” aholini gazdan oqilona foydalanishga chaqirdi
Mahalliy
“Kimdir javob berishi, kimdir qusishi kerak” — faollar gaz va elektr muammosi sababchilariga jazo so‘ramoqda
Mahalliy
Toshkent viloyatida er-xotin va ularning uch oylik chaqalog‘i is gazidan vafot etdi