Qashqadaryoda “Hokim va yoshlar” xiyoboni tashkil etildi. Xiyobondagi dastlabki ko‘chatni viloyat hokimi Zoir Mirzayevning o‘zi ekdi, – deya xabar beradi “Daryo” muxbiri.
Ma’lum bo‘lishicha, bugun — 2020-yil 11-yanvar kuni viloyat hokimi yoshlar bilan muloqot o‘tkazgan.
Zoir Mirzayevning yoshlar bilan uchrashuvi oldidan viloyatdagi ishlab chiqarish korxonalari, xorijiy firmalar, ta’lim muassasalari va tibbiyot sohasida olib borilayotgan ishlar haqida yoshlarga ma’lumot berilgan va qilinayotgan ishlar bilan tanishtirish maqsadida ekskursiyalar tashkil etilgan.
Sayohat davomida viloyat hokimi va yoshlar “Sho‘rtangazkimyo” majmuasi hududiga yangi ko‘chatlar o‘tqazishdi. Shundan so‘ng Zoir Mirzayev yoshlar fikrini inobatga olib, ushbu manzilgohga “Hokim va yoshlar” xiyoboni nomini berdi hamda manzarali, mevali daraxtlar ekish haqida kelishib olindi. Viloyat hokimi eng dastlabki ko‘chatni o‘zi ekdi.
Izoh (0)