Tailand mezbonlik qilayotgan U23 Osiyo chempionati—2020 musobaqasining 2-tur uchrashuvlari 12-yanvar, yakshanba kuni davom ettiriladi.
Lyubinko Drulovich boshchiligidagi O‘zbekiston olimpiya terma jamoasi 2-tur doirasida Xitoyga qarshi maydonga tushadi. Songxla shahridagi “Tinsulanon” stadionida bo‘lib o‘tadigan bahs Toshkent vaqti bilan 18:15 da start oladi. O‘yin “Sport” telekanali orqali jonli efirga uzatilishi reja qilingan.
1-turda O‘zbekiston olimpiyachilari Eron bilan durang o‘ynagan (1:1), Xitoy esa so‘nggi daqiqalarda gol o‘tkazib, Janubiy Koreyaga yutqazib qo‘ygandi.
Bugun Eron hamda Janubiy Koreya o‘rtasidagi uchrashuv ham bo‘lib o‘tadi. Shuningdek, B guruhi vakillari 2-tur uchrashuvlarini o‘tkazadi.
U23 Osiyo chempionati—2020
2-tur bahslari
12-yanvar, yakshanba
B guruhi
Izoh (0)