Uzinfocom’ga bosh direktor tayinlandi

9-yanvaridan Emil Gimranov “Yagona Integrator Uzinfocom” MChJning bosh direktori deb tayinlandi, deb xabar beradi kompaniya matbuot xizmati.

Emil Gimranov 2019-yilning 5-iyulidan Uzinfocom’ning vaqtincha bosh direktor vazifasini bajarib kelayotgandi.

Yagona integrator 2017-yil avgust oyida hukumat va davlat organlari uchun IT-loyihalarni amalga oshirish uchun tashkil etilgan Uzinfocom markazi sifatida qayta tuzilgandi. Hozirgi kunda kompaniya Yagona interaktiv davlat xizmatlari portali, Prezident virtual qabulxonasi, Hukumat portali, Yagona jamoat tashabbuslari platformasi, Ziyonet ta’lim tarmog‘i va boshqa loyihalarni boshqaradi.

2019-yilning mayida Uzinfocom ustav kapitalidagi davlat ulushi 51 foizga qadar oshirilgan, natijada UMS (mobiuz) ning ustav kapitalidagi davlat ulushi UMS’ga o‘tkazilgandi. 49 foizi esa xorijdagi WHIRL kompaniyasiga tegishli.

9-yanvar kuni bo‘lib o‘tgan yig‘ilishda O‘zbekiston Prezidenti Shavkat Mirziyoyev elektron davlat xizmatlaridan foydalanuvchilar sonini 2020-yil oxiriga qadar kamida 5 baravar oshirishni va 2025-yilga borib davlat xizmatlarini elektron ko‘rinishda taqdim etishga o‘tishni topshirgandi.