Mehnat vazirligi axborot xizmati O‘zbekiston Respublikasi Prezidentining 2019-yil 20-avgustdagi “Xorijda vaqtinchalik mehnat faoliyatini amalga oshirayotgan O‘zbekiston Respublikasi fuqarolari va ularning oila a’zolarini himoya qilish kafolatlarini yanada kuchaytirish to‘g‘risida”gi farmoni ijrosini ta’minlash maqsadida 2020-yilda uy-joy sharoitlarini yaxshilashga ehtiyojmand mehnat migrantlariga ko‘p qavatli uylardan jami 3462 ta xonadon ajratish belgilanganini xabar qildi.
Eng ko‘p xonadon Samarqand (450 ta), Andijon (420 ta) va Farg‘ona (420 ta) viloyatlari hududidan ajratilsa, qolgan hududlarga Qoraqalpog‘iston Respublikasi (210 ta), Buxoro (240 ta), Namangan (300 ta), Qashqadaryo (300 ta), Surxondaryo (270 ta), Xorazm (240 ta), Jizzax (120 ta), Toshkent viloyati (180 ta), Sirdaryo (90 ta) Navoiy viloyatlariga (60 ta) hamda Toshkent shahridagi (162 ta) turar joylardan xonadonlar ajratiladi.
Izoh (0)