Facebook ijtimoiy tarmog‘ida “Otabek Nuritdinov” taxallusi bilan voqea-hodisalarga o‘z munosabatini bildirib kelgan fuqaro Abdufatto Nuritdinov 15 sutka ma’muriy qamoq bilan jazolangani haqida xabar berilgan edi.
Axborot va ommaviy kommunikatsiyalar agentligi direktori Komil Allamjonov ushbu holatga munosabat bildirdi.
“Bizning agentlik fuqaro Abdufatto Nuritdinov bilan bog‘liq sud qaroriga ta’sir ko‘rsatishga haqli emas. Aybdor tomon sud qaroridan norozi bo‘lsa, kassatsiya tartibida yuqori turuvchi sud instansiyasiga murojaat qilishi mumkin.Ushbu holat tuhmat va haqorat uchun ozodlikdan mahrum etish normasini tezroq bekor qilishni taqozo qiladi”, — deb yozadi Allamjonov.
Voqea yuzasidan Andijon viloyati hokimligi matbuot xizmati video bayonot bergan, 30-dekabr kuni esa ushbu ish yuzasidan Andijon viloyati ma’muriy sudining ochiq sud majlisi bo‘lib o‘tgandi.
Oliy Majlis Qonunchilik palatasi deputati Rasul Kusherbayev bloger Otabek Nuriddinov ishi va Andijon viloyati hokimiligi matbuot xizmati bayonoti bo‘yicha munosabat bildirdi.
Mavzuga doir:
Izoh (0)