Yangi yilni Nyu-Yorkda noodatiy tarzda kutib olishga mo‘ljallangan 5 ta joy (foto)

Yangi yilda shaharning ko‘plab klub va barlari mehmonlarni bir necha soatga jalb qilish uchun turli yo‘l va uslublardan foydalanadi. Restoranlarning aksariyati maxsusu shou-dasturlar va qo‘shimcha xizmatlar taklif qiladi. Umuman, Nyu-Yorkda yangi yil kechasi betakror o‘tadigan va butun umr yodda qoladigan bir nechta joylar bor. Shularning beshtasi haqida ma’lumot beramiz.

1. New Years Eve at Bar 54 inside Hyatt Times Square

Mehmonxona tomida joylashgan barda Tayms-skverga olib chiquvchi maxsus terassa mavjud. Qush parvozi balandligidan turib mashhur pufakni tomosha qilish va shampan vinosi ichish mumkin. Ushbu hashamdor harakat arzonga tushadi deb bo‘lmaydi: ochiq barda bo‘lish, yengil gazaklar va shampan vinosi ko‘zda tutilgan oddiy chipta narxi biro dam uchun 1399 AQSh dollariga tushadi. Ko‘zdan nariroqda o‘tirishni istaganlar 5799 dollar evaziga alohida stol buyurtma qilib Yangi yil manzaralarini kuzatadi.

2. New Years Eve Cruise aboard the Atlantis Yacht

Ortda qolgan eski yilni kuzatib qo‘yish uchun mehmonlarga kattagina yaxta taklif qilinadi. Kema shimoliy Manxettendan taxminan soat 20:00 da yo‘lga chiqadi. Mehmonlar gazaklar, kechki ovqat va eng muhimi Yangi yilni Nyu-Yorkning osmono‘par binolari atrofida, eng yaxshi rakursdan feyerverkni tomosha qilish imkoniga ega bo‘ladi. Chipta narxi bir odam uchun 469 dollar.

3. Times Square Family ALL Access New Year’s Eve Pass

Yangi yil oqshomini bir yerda o‘tkazish kimlar uchundir zerikarli tuyilishi mumkin. Shu sababli Taym-skver atroflarida ancha arzon narxlarda ko‘ngilochar maskanlar taklif qilinadi. Eng arzon chipta — bolalar uchun 119 dollar va kattalar uchun 199 dollar, bilet orqali shahar markazidagi 3 ta maskanda mehmon bo‘lish mumkin. Alkogoldan tashqari bepul ichimliklar chipta narxida ko‘zda tutilgan. Darvoqea, barcha davlatlardagi kabi Nyu-Yorkda ham shahar markazida Yangi yil oqshomida xavfsizlik kuchaytiriladi.

4. AMC 42nd St Times Square New Year’s Eve

Bu joy ham Tayms-skverga yaqin yerda. U yerda farzandlar bilan oshomni maroqli o‘tkazish mumkin. Bundan tashqari chipta narxiga Tayms-skverni aylanish va 59 dollar evaziga Nyu-Yorkning yuragida Yangi yilni kutib olish kiritilgan.

5. New Years Eve at Gansevoort Meatpacking

Gansevoort mehmonxonasining tomidan turib nafaqat butun Nyu-Yorkni, balki Gudzonni ham kuzatsa bo‘ladi. Mehmonlar uchun zallar, ochiq bar, didjeylar va maxsus dastur taqdim qilinadi. Chiptalar 178 dollardan.