Sud Microsoft kompaniyasiga KXDR xakerlari tomonidan foydalaniladigan tarmoq resurslarini topshirdi
Microsoft kompaniyasi “Shimoliy koreyalik xakerlar guruhi tomonidan kiberhujumlar o‘tkazishda” foydalaniladigan saytlar domenini olib qo‘yish imkonini beradigan sud orderini oldi, deb xabar beradi “Kommersant”.
Kompaniyaning ma’lum qilishicha, federal sud Thallium nomli guruh tomonidan boshqariladigan 50 ta domenni nazoratga olishga ruxsat bergan. Mazkur guruh Microsoft brendi va mahsulot belgilaridan foydalanib, firibgarlik bilan shug‘ullanib kelgan.
“Mazkur tarmoqlar qurbonlarni qidirish bilan shug‘ullangan. Shundan so‘ng, ularning internetdagi ma’lumotlaridan foydalangan, kompyuterlarini zararlagan, tarmoq xavfsizligiga putur yetkazib, shaxsiy ma’lumotlarni o‘g‘irlagan”, — deydi Microsoft’ning xavfsizlik va mijozlar ma’lumoti himoyasi bo‘yicha vitse-prezidenti.
Ta’kidlanishicha, qubonlar qatoridan davlat xizmatchilari, tahliliy markazlar, universitet xodimlari, huquq himoyachilari, shuningdek, yadroviy ilm-fan masalalari bilan shug‘ullanuvchi insonlar o‘rin olgan. Virginiya sudi tomonidan chiqarilgan hukm Microsoft’ga domenlarni nazorat ostiga olishini ta’minlaydi.
Bu esa “saytlar endilikda hujumlarni uyushtirishda ulardan foydalana olmasligini bildiradi”.
