Bugun,

  • USD 11095.31
  • RUB 173.84
  • EUR 10772.44

Prezident Shavkat Mirziyoyev tomonidan 2019-yil 10-aprel kuni imzolangan “O‘zbekiston Respublikasida favqulodda vaziyatlarning oldini olish va bartaraf etish, yong‘in xavfsizligini ta’minlashning sifatli yangicha tizimini tatbiq etish to‘g‘risida”gi farmon hamda “Favqulodda vaziyatlar tuzilmalarining faoliyatini yanada takomillashtirish bo‘yicha tashkiliy chora-tadbirlari to‘g‘risida”gi qarorga muvofiq, 2019-yilning may oyida Ichki ishlar vazirligi (IIV) Yong‘in xavfsizligi bosh boshqarmasi (YoXBB) va uning hududiy bo‘linmalari Favqulodda vaziyatlar vazirligi (FVV) tizimga o‘tkazilgan edi.

So‘nggi vaqtlarda yong‘in xavfsizligi sohasida xizmat qilayotgan xodimlarning FVV tizimida ishni davom ettirishi bo‘yicha turli muammolar yuzaga kelayotgani xususida ijtimoiy tarmoqlar va OAVda xabarlar e’lon qilinmoqda. Ushbu masalaga oydinlik kiritish maqsadida “Daryo” muxbiri Musulmonbek Ibrohimov IIV Kadrlar bosh boshqarmasi bo‘lim boshlig‘i Farid Abdiyev bilan suhbatlashdi.

— Farid aka, yong‘in xavfsizligi xodimlari 2019-yil may oyida FVV tizimga o‘tkazilgan bo‘lsa-da, bir qator muammolar borligi ko‘rinmoqda. Shunga oydinlik kiritsangiz, asosiy masala nimada?— Prezidentimizning 2019-yil 10-apreldagi farmoniga asosan, IIV tasarrufida bo‘lgan yong‘in xavfsizligi bo‘linmalari, Yong‘in xavfsizligi instituti FVV tarkibiga o‘tkazildi. Farmon talablaridan kelib chiqib, IIV buyrug‘i imzolangan. Bunga asosan moddiy-tovar boyliklari, binolar topshirildi. Xodimlarning shaxsiy tarkibini o‘tkazish bo‘yicha ham ichki ishlar vaziriniig me’yoriy buyrug‘i imzolandi. Prezident farmoni va qarori talablaridan kelib chiqib, 2019-yil 11-may kuni yong‘in xavfsizligi xizmatining o‘sha vaqtda ishlab turgan barcha xodimlari IIV tasarrufidan FVV ixtiyoriga yuborilgan.

Haqiqatan ham ushbu masala yuzasidan yong‘in xavfsizligi xizmati xodimlari tomonidan ijtimoiy tarmoqlarda chiqishlar va o‘zimizga ham ko‘plab murojaatlar bo‘lmoqda. Hozirgi kunda IIVda Yong‘in xavfsizligi xizmati tugatilgan, ya’ni bu xizmat bizning vazirlikda yo‘q. Yong‘in xavfsizli xizmati xodimlari FVV tasarrufida xizmat olib bormoqda. Xodimlar qaror talablari bilan tanishgan. Qaror talablarida 2020-yilning 1-yanvar kunidan xodimlarning harbiy maqomga o‘tishi belgilangan.

Asosiy murojaatlar yong‘in xavfsizligi xizmati xodimlarining IIV tizimiga qaytib ishga olish masalasida bo‘lmoqda. Avvalroq, 2019-yil boshida Qo‘riqlash xizmati ham IIVdan Milliy gvardiya tasarrufiga o‘tkazilgan edi. O‘shanda ham qo‘riqlash xizmatining ichki ishlar organlarida xizmatni davom ettirish istagidagi xodimlaridan murojaatlar bo‘lgandi. Shu masalada ham ijtimoiy tarmoqlarda turli tushunmovchiliklar bo‘lmoqda. Ular: “Qo‘riqlash xizmatidagilar IIVda qoldi-yu, nega biz (yong‘in xavfsizligi xizmati xodimlari) IIVda qololmaymiz?!”, degan savolni qo‘ymoqda.

Xodimlar shuni tushunishlarini xohlardimki, yong‘in xavfsizligi xizmati — bu alohida xizmat. Ushbu soha mutaxassislari yong‘in xavfsizligi bo‘yicha o‘qigan, amaliyotni ham shu yo‘nalishda olib borgan. IIVda yong‘in xafsizligi tugatilgandan keyin bu yo‘nalishda bizda ehtiyoj qolmagan, mutaxassiliklar bo‘yicha lavozimlarimiz ham yo‘q.

Hozirgi kunda boshqa vazirlik va idoralardan ehtiyojga qarab ishga qabul qilish choralari ko‘rib chiqilmoqda. Bugungi kunda shaxsiy tarkib sonidan kelib chiqqanda 2 foizdan ko‘proq bo‘sh ish o‘rnimiz bor. Bu juda kam. FVVdan IIVga o‘tmoqchi bo‘lib murojaat yo‘llagan shaxslar alohida tartibda o‘rganilmoqda. Lekin ehtiyoj va bo‘sh lavozimlar bo‘lmagani uchun ularni ishga qabul qilishga imkoniyatimiz yo‘q.

IIV Yong‘in xavfsizligi xizmati xodimlari may oyida FVV tizimiga o‘tkazilgan bo‘lsa-da, 2019-yil uchun tasdiqlangan byudjet asosida oylik maosh olib kelmoqda. Prezidentimizning yong‘in xavfsizlii xixzmatini FVVga o‘tkazish bo‘yicha qabul qilgan qarorlariga ko‘ra, pul masalalarini tartibga solish maqsadida 2020-yil 1-yanvardan xizmat xodimlari bilan FVV shartnoma tuzilishi belgilangan. Bu bilan shahodatlangan xodimlarga harbiy xizmatchi maqomi beriladi, oylik maoshlari ham shunga moslashtiriladi. Menimcha, FVVning mas’ul xodimlari xizmat xodimlarini shartnoma tuzilishi bo‘yicha ogohlantirgan, shunda tushunmovchilik kelib chiqqan.

Yong‘in xavfsizligi xizmati xodimlarining FVV tizimiga o‘tgan vaqtida hech qanday haq-huquqlari buzilmagan — o‘sha ish, o‘sh lavozim bilan ishlab kelishmoqda. Faqat ularga rahbarlik qiluvchi vazirlik o‘zgargan, xolos.

— Balki murojaatlarda ham jon bordir? Ularning asosiy muammosi nimada ekanligi aniqlash maqsadida yakka tartibda ham suhbat olib borilganmi?— Bizda har bir murojaat alohida o‘rganiladi, kerak bo‘lsa arizachi bilan yakka tartibda suhbat o‘tkaziladi. Xuddi shu tartibda FVVdan IIVga o‘tmoqchi bo‘lgan xodimlar bilan ham yakka tartibda suhbat o‘tkazilib, tushuntirish ishlari olib borilgan. FVVning mas’ul xodimlari ham murojaat tushgan har bir tuman va shaharga borib, xodimlar bilan tushuntirish ishlarini o‘tkazganidan xabarimiz ham bor.

Biz ariza bilan chiqqan yong‘in xavfsizligi xizmati xodimlari bilan suhbat vaqtida FVVdan IIVga nima uchun o‘tmoqchiligi haqida so‘raganimizda, aniq sabablari ko‘rsatilgan javob ololmaganmiz. “Biz shu sohaga qiziqamiz, shu sohani tanlab ishga kirganmiz”, “imkoniyat beringlar, shu sohada ishni davom ettirmoqchimiz” yoki “yaqinlarim, otam shu sohada ishlagan, otamning ishini davom ettirmoqchiman”, deganga o‘xshash umumiy gaplar aytiladi. Lekin ularga qandaydir tazyiq o‘tkazilgani yoki haq-huqulari buzilgani, imtiyozlari kamaytirilganligi haqida murojaat kelib tushmagan.

— 1-yanvardan FVV tizimiga o‘tkazilgan Yong‘in xavfsizligi xizmati xodimlari bilan shartnoma tuzishda qonun buzilish holatlari qayd etiladigan bo‘lsa, ular qay tartibda murojaat qilishlari kerak?— Ularga harbiy maqom berilgani uchun, ularning murojaatlari bilan asosan Harbiy prokuratura shug‘ullanadi. Agar qonun buzilishi holatlari yuz beradigan bo‘lsa, o‘rnatilgan tartibda Harbiy prokuraturaga yoki yuqori turuvchi rahbariyatga murojaat qilishlari mumkin.

Menimcha, bunday holat bo‘lmaydi. Chunki yaqinda ushbu masala yuzasidan o‘tkazilgan yig‘ilishda qatnashdik. FVV yong‘in xavfsizligi xizmati xodimlari bilan shartnoma imzolashga da’vat etilayotgani aytildi. Sababi, ularga ham xodim kerak. Xizmat ishini davom ettirish vazifasi ularga yuklatilgan.

Izoh
Asosiy yangiliklar
Dunyo
Ilon Mask Twitter’da Apple reklamalari tiklanganini e’lon qildi
Dunyo
Turkiyaning Kizilelma qiruvchi droni ilk parvozni amalga oshirdi (video)
Dunyo
Xitoy Rossiyaga harbiy yordam ko‘rsatdimi?