Ilon Mask Marsga uchish uchun yaratilgan o‘ta og‘ir Starship kosmik kemasining birinchi parvozi 2-3 oydan keyin amalga oshishiga umid bildirmoqda, deb yozadi Forbes.
Maskning aytshicha, u SpaceX xodimlari bilan butun tun davomida raketaning qubbasi ustida ish olib borgan.
“Starship shu vaqtga qadar yaratilgan raketa tashuvchilar ichida eng qudratlisi bo‘ladi va u yer orbitasiga 100 tonnadan ortiq yukni olib chiqish imkoniyatiga ega bo‘ladi”, — deyiladi xabarda.
Mazkur raketa Maskning kosmik sayohatlarni tashkillashtirish bo‘yicha rejalarida muhim rol o‘ynaydi. Avvalroq u Mars koloniya yaratish uchun 1 million tonna yukni yetkazishga kamida mingta Starship kerak bo‘lishini ma’lum qilgandi.
Shuningdek, raketa odamlar va yuklarni Oydagi bazaga yetkazishni ham ta’minlaydi.
Mavzuga doir: Ilon Mask sayyoralararo sayohatga mo‘ljallangan Starship kemasining birinchi suratini namoyish etdi
Izoh (0)