“Toshkent” telekanalida dorixona xodimiga hujum haqidagi reportaj efirga uzatildi.
Qayd etilishicha, Toshkent shahrining Yashnobod tumanidagi dorixonalarning biriga ikki nafar shaxs (qiz va yigit) kirib kelib “Tropikamid” ko‘z tomchilarini so‘ragan.
Shohrux ismli dorixona sotuvchisi ularga bunday dorini berolmasligini aytgan. Shunda psixotrop dori so‘ragan yigit dorixona sotuvchisi turgan kabinaga sakrab o‘tib, unga pichoq o‘qtalgan. Shaxzod uning qo‘lini qayirib, qarshilik ko‘rsatgan hamda tashqariga chiqib huquq-tartibot organlariga xabar bergan.
Pichoq o‘qtalgan shaxsning sherigi — yuziga doka niqob taqib olgan qiz dorixonachi ko‘chaga qochib chiqqan paytdan foydalanib, dorixona kassasidan 6 million so‘mdan ko‘proq pulni olib chiqib ketgan.
Noma’lum shaxslar ko‘chada turgan avtomobilga chiqib voqea joyidan uzoqlashgan. Ammo Shaxzod ular o‘tirgan mashinaning raqamini eslab qolgan. Shu zahoti tezkor qidiruv ishlari boshlanib, qonunbuzarlar qo‘lga olindi. Endi ular albatta qilmishiga yarasha jinoiy javobgarlikka tortiladi, deyiladi reportajda.
Izoh (0)