26-dekabr, payshanba kuni soat 19:30 atrofida Oltiariq tumani hududida “4P112 Farg‘ona—Qo‘qon” halqa yo‘lining 241 kilometrida 2 ta Nexia rusumli avtomashina hamda Isuzu rusumli avtobus ishtirokida yo‘l-transport hodisasi sodir bo‘ldi. Bu haqda IIV Tergov departamenti xabar bermoqda.
Dastlabki ma’lumotga ko‘ra, avtobus ichida haydovchi bilan birga jami 9 nafar shaxs bo‘lgan.
Aynan avtobus bilan to‘qnashgan Nexia salonidagi 4 nafar yo‘lovchi olgan tan jarohatlari oqibatida hodisa joyida halok bo‘ldi.
“Hozirda hodisa joyida tergov-tezkor guruhi ishlamoqda, holat yuzasidan qo‘shimcha ma’lumot beriladi”, — deyiladi xabarda.
Izoh (0)