Chernogoriya parlamenti mamlakatda ommaviy noroziliklarga sabab bo‘lgan diniy erkinlik to‘g‘risidagi qonunni qabul qildi. “Kommersant”ning xabar berishicha, ushbu tashabbus bir ovozdan qabul qilindi, chunki ovoz berish oldidan politsiya qonun loyihasiga qarshi chiqqan barcha muxolifat vakillarini hibsga olgan.
“Diniy e’tiqod va e’tiqod erkinligi va diniy jamoalarning huquqiy holati to‘g‘risida”gi qonun Chernogoriya hududida diniy jamoalar tomonidan foydalaniladigan yerlar va 1918-yil 1-dekabrgacha qurilgan diniy obyektlar davlat mulkiga o‘tkazilishini ko‘zda tutadi.
Ushbu tashabbus Serb pravoslav cherkovining (SPCh) Chernogoriya-Primorsk mitropoliyasining e’tirozlariga sabab bo‘lgan. Qonun uning 650 ta ziyoratgohi, shu jumladan mashhur Ostrog monastiridan iborat cherkov mulkini tortib olishidan xavotirda.
SPChga egalik tan olinmagan Chernogoriya avtokefal cherkoviga berilishi mumkin. Chernogoriya prezidenti Milo Jukanovich SPChni mamlakatda diniy monopoliyani saqlab qolish istagida aybladi.
Qayd etilishicha, Chernogoriya parlamenti deputatlari munozarali qonun loyihasini 26-dekabrdan boshlab kun bo‘yi ko‘rib chiqqan.
Muxolifatchi Demokratik front (DF) unga bir nechta tuzatishlar kirish va qonun loyihasi bo‘yicha ovoz berishni keyinga surishni taklif qilgan, ammo parlament spikeri Ivan Bryovich bu taklifni rad etgan. Shu sababli parlamentda tartibsizliklar boshlanib, kimdir ko‘zdan yosh oqizuvchi gaz purkagan. DFning barcha a’zolari qo‘lga olinib, parlament binosidan chiqarib yuborilgan.
Natijada parlament binosida qolgan 45 deputatdan 45 nafari qonun loyihasini yoqlab ovoz bergan va hujjat qabul qilingan. Shuningdek, DF a’zolariga 15 kun davomida parlament majlislarida qatnashish ta’qiqlandi.
Izoh (0)