O‘zbekiston Prezidenti “Ba’zi davlat organlarining faoliyati takomillashtirilishi munosabati bilan O‘zbekiston Respublikasining ayrim qonun hujjatlariga o‘zgartirish va qo‘shimchalar kiritish to‘g‘risida”gi qonunni imzoladi, deb xabar berdi “Kun.uz”.
Qonun Qonunchilik palatasi tomonidan 2019-yil 9-dekabrda qabul qilingan Senat tomonidan 2019-yil 14-dekabrda ma’qullangan.
O‘zbekistonning 2012-yil 25-dekabrda qabul qilingan “Tezkor-qidiruv faoliyati to‘g‘risida”gi O‘RQ–344-sonli qonuni 10-moddasining (Tezkor-qidiruv faoliyatini amalga oshiruvchi organlar) birinchi qismi quyidagi mazmundagi beshinchi xatboshi bilan to‘ldirildi:
- “O‘zbekiston Respublikasi Mudofaa vazirligi harbiy razvedkasining”;
- beshinchi, oltinchi va yettinchi xatboshilar tegishlicha oltinchi, yettinchi va sakkizinchi xatboshilar deb hisoblanadi.
- O‘zbekiston Respublikasi Ichki ishlar vazirligining;
- O‘zbekiston Respublikasi Davlat xavfsizlik xizmatining;
- O‘zbekiston Respublikasi Prezidenti davlat xavfsizlik xizmatining;
- O‘zbekiston Respublikasi Davlat bojxona qo‘mitasining;
- O‘zbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamentining;
- O‘zbekiston Respublikasi Bosh prokuraturasi huzuridagi Majburiy ijro byurosining organlari amalga oshiradi.
Tezkor-qidiruv faoliyati ushbu qonun bilan maxsus vakolat berilgan davlat organlarining tezkor bo‘linmalari (bundan buyon matnda tezkor-qidiruv faoliyatini amalga oshiruvchi organlar deb yuritiladi) tomonidan tezkor-qidiruv tadbirlari o‘tkazish orqali amalga oshiriladigan faoliyat turidir.
Izoh (0)