O‘zbekiston adliya vaziri Ruslanbek Davletov Facebook’dagi sahifasiga ta’sirli videorolik joylashtirdi. Ushbu videorolikda oilalarning buzilishi farzandlar ruhiyatiga qanday ta’sir ko‘rsatishi aks ettirilgan.
“23000. Bu raqam qaysi sohaga tegishli, deb o‘ylaysiz? Agar u insonlar taqdiri bilan bog‘liq statistika deydigan bo‘lsak, holat yanada jiddiylashadi.Bu 2019-yilda FHDYo organlari orqali nikohi bekor qilingan holatlar statistikasi. Juda katta va qo‘rqinchli.Eng yomoni, ajralish natijasida necha-necha murg‘ak qalblar vayron bo‘lyapti, yetim qolyapti. Bu narsani hech qanday statistik raqamlar bilan baholab bo‘lmaydi. Bu jarohat izi farzand qalbida umrbod qoladi.Shu muammoga ozgina bo‘lsa ham aholining e’tiborini qaratish maqsadida, kichkina videorolik tayyorladik. Xulosa o‘zingizdan, o‘ylab ko‘ring.
Ma’lumot uchun, shu davrning o‘zida 195 mingta nikoh ham qayd etilgan.Ushbu ijod mahsuli uchun Muhlisa Azizova, Oybek Abdushukurov va O‘zbekiston milliy kinokomissiyasiga minnatdorchilik bildiramiz!”, — deb yozadi Ruslanbek Davletov.
https://www.facebook.com/ruslan.davletov.106/videos/2432344903761668/
Izoh (0)