O‘zbekistonda 22-dekabr, yakshanba kuni bo‘lib o‘tgan parlament saylovining dastlabki natijalariga ko‘ra, Tadbirkorlar va ishbilarmonlar harakati — O‘zbekiston Liberal-demokratik partiyasi Oliy Majlis Qonunchilik palatasidagi ko‘pchilik o‘rinni egalladi.
Markaziy saylov komissiyasi raisi Mirzo-Ulug‘bek Abdusalomov 23-dekabr kuni bo‘lib o‘tgan brifingda ma’lum qilishicha, Qonunchilik palatasiga
- O‘zLiDePdan 43 nafar,
- “Milliy tiklanish” demokratik partiyasidan 35 nafar,
- “Adolat” sotsial-demokratik partiyasidan 21 nafar,
- Xalq demokratik partiyasidan 18 nafar va
- Ekologik partiyadan 11 nafar deputat saylangan.
Oliy Majlis Qonunchilik palatasi, shuningdek, viloyat, tuman va shahar kengashlariga saylovlarda ro‘yxatga olingan jami 18,7 million nafar saylovchining 67,8 foizi ishtirok etdi. 150 ming saylovchi muddatidan avval ovoz berish huquqidan foydalandi.
Taqqoslash uchun, 2014-yilgi parlament saylovining dastlabki natijalari:
- O‘zLiDePdan — 47 nafar deputat;
- “Milliy tiklanish”dan — 28 nafar deputat;
- Xalq demokratik partiyasidan — 21 nafar deputat;
- “Adolat”dan — 17 nafar deputat;
- Ekologik harakat — 15 nafar deputat.
Izoh (0)