Mamlakatimizda so‘ngi yillarda xar bir sohaga juda katta e’tibor qaratilmoqda. Shu jumladan energetika soxasi xam.
O‘zbekiston Prezidentining “O‘zbekiston Respublikasida elektr energetika tarmog‘ini yanada rivojlantirish va isloh qilish strategiyasi to‘g‘risida”gi qarori soha rivoji uchun juda katta qadam bo‘ldi.
Xususan, mazkur qaror 2017—2021-yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasi va O‘zbekiston Respublikasi Ma’muriy islohotlar konsepsiyasida belgilangan vazifalarni bajarish maqsadida qabul qilingan. Unga muvofiq, “O‘zbekenergo” aksiyadorlik jamiyati negizida uchta aksiyadorlik jamiyati – “Issiqlik elektr stansiyalari”, “O‘zbekiston milliy elektr tarmoqlari” va “Hududiy elektr tarmoqlari” tashkil etildi. Bu o‘zgarishlar mamlakatimizda elektr energiyasini ishlab chiqarish, uzatish, taqsimlash va sotishni tashkil etishning zamonaviy uslublariga o‘tishning muhim omillaridan biri bo‘ldi.
Bugungi kunda iste’molchilarga sifatli elektr energiyasi yetkazib berish maqsadida qator dastur va qarorlarga muvofiq sohada olib borilayotgan keng ko‘lamli ijobiy o‘zgarishlarni kuzatayapmiz.
O‘zbekiston Respublikasi Prezidentining 2016-yil 23-noyabrdagi PQ-2661-son “2017-2021-yillarda past kuchlanishli elektr tarmoqlarini yanada modernizatsiya qilish va yangilash dasturi to‘g‘risida”gi Qarori, “Obod qishloq” hamda “Obod mahalla” dasturlari asosida bajarilayotgan ishlar shular jumlasidandir.
“Hududiy elektr tarmoqlari” AJ tomonidan barcha yo‘nalishlar bo‘yicha tegishli reja-dasturlar ishlab chiqilib, mamlakatimiz bo‘ylab amalga oshirilayotgan ishlar ijrosi sifati to‘liq nazoratga olingan. Bu bilan joylarda yuzaga kelayotgan muammo va kamchiliklarni o‘z vaqtida bartaraf etilib, ish samaradorligi ortib, ortiqcha vaqt va sarf-xarajatlar oldi olinmoqda.
Birgina, joriy yilda qaror va dasturlar zamirida “Farg‘ona hududiy elektr tarmoqlari” AJ tomonidan viloyat bo‘yicha 150 donadan ortiq turli quvvatdagi yangi transformator punktlari o‘rnatildi. 186,7 km uzunlikdagi 0,4-6-10 kVli yangi elektr uzatish tarmog‘i tortildi.
Bu kabi ishlarni jadallashtirish, o‘z muddatida sifatli qilib bajarish maqsadida korxonaga katta va kichik yuk tashish mashinalari, avtobus, maxsus tayanch o‘rnatish traktorlari,yengil avtomashinalar, yuk ko‘tarish mashinalari sotib olindi.
Zarur materiallarni korxonaning o‘zida ishlab chiqarish yo‘lga qo‘yildi. Quvonarlisi bir nechta qo‘shimcha ishchi o‘rni yaratildi.
Bosqichma-bosqich tuman shahar elektr ta’minoti korxonalari zamonaviy uslubda kapital ta’mirlab kelinmoqda. Bu bilan, ishchi xizmatchilarga hamda iste’molchilarga qulaylik yaratilmoqda.
Jamiyatning Kasaba uyushma qo‘mitasi tomonidan imtiyozli ravishda xar bir xodimni o‘z vaqtida madaniy hordiq olishlari uchun, mamlakatimizning turli so‘lim joylarida davolanib, hordiq chiqarib kelishmoqda. Bundan tashqari, xodimlarni bilimi oshirish maqsadida, bu yil korxonada muzey va 3500dan ortiq turli adabiyotlarni o‘zida jamlagan yangi axborot–kutubxonasi foydalanishga topshirildi. Turli tadbirlar, sport musobaqalari doimiy o‘tkazib kelinmoqda.
“Farg‘ona hududiy elektr tarmoqlari korxonasi” AJning erishib kelayotgan bu kabi yutuqlarini bir qancha davom ettirsak bo‘ladi.
Erishilayotgan bu kabi yutuqlar, say-xarakatlar barchasi iste’molchilarga sifatli elektr energiyasi yetkazib berishga qaratilgan.
Zero, biz energetiklar tun-u kun xalqimiz xizmatidamiz.
“Farg‘ona hududiy elektr tarmoqlari korxonasi” AJ matbuot xizmati.
Reklama huquqi asosida.
Izoh (0)