“Akfa Medline” ko‘p tarmoqli markazi ijtimoiy kam ta’minlangan oilalarga yordam qilish maqsadida “Taslim bo‘lishingizga yo‘l qo‘ymaymiz” shiori ostidagi xayriya tadbirini o‘tkazdi.
Muhtaram Prezidentimiz tomonidan olib borilayotgan siyosatlarni qo‘llab-quvvatlash bo‘yicha “Akfa Medline” ko‘p tarmoqli tibbiyot markazi “Taslim bo‘lishingizga yo‘l qo‘ymaymiz” shiori ostidagi navbatdagi tadbiri O‘rtachirchiq tumani ko‘p tarmoqli markaziy poliklinikasida bo‘lib o‘tdi.
Ya’ni joriy yilning 5-dekabr sanasida tumanimizda istiqomat qiluvchi 500 nafarga yaqin bemorlar “Akfa Medline” tibbiyot markazi tomonidan olib kelingan zamonaviy tibbiy diagnostika vositalari asosida malakali shifokorlar ko‘rigidan o‘tkazildi. Bu xayriya ko‘riga natijasida qanchadan qancha bemorlarning ko‘ngliga taskinlik berilishiga erishibgina qolmay, shifokorlarimizning nazariy va amaliy bilimlari o‘sishiga ham erishildi.
Shu bilan birga klinika shifokorlari buyrakning ikkilamchi bujmayishi (surunkali glomerulonefrit) bilan tashxis qo‘yilgan og‘ir bo‘lgan bemorlarni yashash joyiga borib tibbiy ko‘rik amalga oshirilganligi, o‘z ishiga chin dildan yondashib, xalqimiz uchun yurakdan xizmat ko‘rsatishayotganligini anglatmoqda.
Shunday xayriya ishlarni amalga oshirish maqsadida bel bog‘lagan xususiy klinikalarni, ochilishiga imkoniyat yaratib berayotgan O‘zbekiston Respublikasi Prezidentiga minnatdorchilik bildirgan holda “Akfa Medline” ko‘p tarmoqli tibbiyot markazi rahbariyatiga tashakkurimizni bildiramiz hamda xalqimizga bunday bepul tibbiy ko‘riklar xayriya tariqasida bardavom bo‘lishiga tilakdoshmiz!
Reklama huquqi asosida.
Izoh (0)