Toshkent metropolitenining “Yunusobod” yo‘lida 18-dekabr kuni yuz bergan avariya oqibatida kamida besh kishi halok bo‘lgani haqida xabar berilgan edi.
Mavzuga doir: Yunusobod metrosi qurilishidagi avariya oqibatida halok bo‘lganlar soni besh kishiga yetdi
Hammani qayg‘uga solgan bu ko‘ngilsiz hodisaga davlat telekanallari negadir e’tibor qaratgisi kelmayapti. “O‘zbekiston 24”ning salkam bir soat davom etgan “Axborot”ida ham voqea haqida lom-mim deyilmadi. Harom ichakday cho‘zilgan dastur bayramoldi yarmarkalardagi arzonlashtirilgan mahsulotlar sotilayotganiga bag‘ishlangan syujet bilan yakunlandi.Ma’lumot uchun, Uzreport, Sevimli, “Yoshlar” telekanallari voqea joyidan reportajlar tayyorladi. Uzreport va Sevimli muxbirlari hodisa joyidagi rasmiylardan avariya haqida axborot ololmaganini ma’lum qilgan.Tunu-kun axborot uzatishga ixtisoslashgan telekanal jamoasining nega metro qurilishidagi baxtsiz hodisani yoritishga jur’ati yetmayapti? Nima uchun aqalli ular hukumat farmoyishi, vazirlik va idoralarning rasmiy xabarlarini berishni ham o‘zlariga ep ko‘rmayapti? Telekanalning bir chetda tomoshabin bo‘lib o‘tirishining sababi nimada ekan?
“Xolis fikr” Telegram-kanali
Izoh (0)