16-dekabr, dushanba kuni A-373 Toshkent—O‘sh avtomobil yo‘lining Bo‘ston tumani hududidan o‘tgan qismida Damas avtomobili to‘xtatilgan va mashina ichida minglab pirotexnika vositalari borligi aniqlangan. Bu haqda “Daryo”ga Andijon viloyati IIB axborot xizmati ma’lum qildi.
Mashina ko‘zdan kechirilganda uning ichida Xitoyda ishlab chiqarilgan “Treniya” nomli hech qanday hujjatlarsiz noqonuniy ravishda respublika hududiga olib kirilgan jami 114 ming 600 dona pirotexnika vositasi borligi ma’lum bo‘ldi. Ularning bozor qiymati 22 million 920 ming so‘mni tashkil etadi.
Ashyoviy dalillar Bo‘ston tumani ichki ishlar bo‘limiga topshirilgan va holat bo‘yicha tegishli hujjatlar rasmiylashtirilib, surishtiruv ishlari olib borilmoqda.
Izoh (0)