Yaponiyaning Nagoya va Tokio shaharlaridagi sayyohlar va mahalliy aholi eng gavjum ko‘chalarining markazlarida joylashgan yirik LED-ekranlarda “O‘zbekturizm” tomonidan O‘zbekistonning turistik salohiyatiga bag‘ishlab tayyorlangan rolik namoyish etila boshlandi.
Nagoyada mahalliy vaqt bilan ertalab soat 06:00 dan tunggi 00:00 gacha, har soatda 16 marta vokzal bekatidan chiqishda aylantirib turiladi.
Tokioning eng gavjum maydonlaridan biri Sibuyada esa 4 ta yirik ekranda 18—20-dekabr kunlari mahalliy vaqt bilan soat 09:00 dan 00:00 gacha har soatda qo‘yiladi.
“O‘zbekturizm” matbuot xizmatida ta’kidlanishicha, ushbu videroliklar namoyishidagi yana bir e’tiborli jihat namoyishning aynan Prezident Shavkat Mirziyoyevning Yaponiyaga amalga oshirayotgan oliy darajadagi tashrifi doirasiga to‘g‘ri kelganidir.
Eslatib o‘tamiz, O‘zbekiston Prezidenti Shavkat Mirziyoyev Yaponiya bosh vaziri Sindzo Abening taklifiga binoan joriy yilning 17—20-dekabr kunlari rasmiy tashrif bilan ushbu mamlakatda bo‘ladi. Prezidentining Yaponiyaga tashrifi doirasida qiymati 6,5 milliard dollarga teng bo‘lgan 48 ta kelishuv va shartnoma imzolanishi kutilmoqda.
Izoh (0)