Toshkent shahar hokimining 2019-yil 16-dekabrdagi qarori bilan “Toshshahartransxizmat” AJ boshqaruvida o‘zgarish yuz berdi, deb xabar bermoqda poytaxt hokimligi matbuot xizmati.
“Toshshahartransxizmat” AJ boshqaruvi raisi vazifasida ishlab kelgan Mohir Valiyev lavozimidan ozod etilib, ushbu lavozimga tayinlov bo‘lguniga qadar, uning vazifasini bajarish Toshkent shahar transport boshqarmasi boshlig‘i Anvar Jo‘rayevga yuklatildi.
U 2017—2018-yillarda ham “Toshshahartransxizmat” rahbari vazifasida ishlagan.
Eslatib o‘tamiz, Mohir Valiyev “Toshshahartransxizmat” AJ raisi lavozimida 2018-yilning 24-iyulidan buyon ishlab kelayotgan edi.
2014—2017-yillarda “Toshshahartransxizmat” AJ raisining moliyaviy-iqtisodiy masalalari bo‘yicha o‘rinbosari lavozimida ishlagan vaqtida “Toshshahartransxizmat”ning rahbari vazifasini bajaruvchi etib tayinlangan Mirhosil Xolmatov uni bo‘shatib yuborishni taklif qilgandi.
Biroq oylik yo‘l chiptasi evaziga uy yutib olish va avtobuslarning yarim tungacha yurishini ta’minlashi to‘g‘risida kiritgan taklifi rahbariyat tomonidan rad etilib, Mirhosil Xolmatovning o‘zi ishdan olingandi.
Izoh (0)