Starlight Room — ulkan tog‘lar bag‘rida tunab qolish mumkin bo‘lgan chanali shinam uy (foto)

Alp tog‘lari bag‘rida dengiz sathidan 2055 metr balandlikda chana ustida turgan bejirim uylar qurilgan. Bu yerga romantik xarakterdagi odamlar tashrif buyuradi. Uy yetarli darajadagi qulayliklarga ega.

Raniero Campigotto Starlight Room nomli loyihani amalga oshirgan. Uylar Kortina-d’Ampetsso kurorti yonida qad rostlagan. Konstruksiya natural yog‘och va shishadan ishlangan. Shisha devorlar va shift atrof muhit jozibadorligini kuzatishga imkon beradi.

Starlight Room uychasida tunab qolmoqchi bo‘lganlarga faqat eng muhim deb hisoblangan buyumlar, ixcham krovat, televizor, DVD-pleyr va harorat o‘lchagich taqdim qilinadi.

Staligt Room’da dam olib, tunda qorli tog‘lar bag‘rida charaqlagan yulduzlarni tomosha qilish mumkin.

Alp tog‘laridagi kichkina uychada tunab qolishning narxi 330 yevro. Mehmonxona narxi ichiga kechki ovqat va nonushta ham kiritilgan. Starlight Room’ga qorda yuruvchi motosikllar yoki chang‘ida yetib borish mumkin.