Prezidentning joriy yil 10-dekabrdagi farmoyishiga muvofiq Nosirjon Jo‘rayev Prezident Аdministratsiyasi ommaviy axborot vositalari, televideniye va matbuotni rivojlantirish sho‘basi mudiri etib tayinlandi.
Mazkur tayinlovga qadar u G‘afur G‘ulom nomidagi nashriyot-matbaa ijod uyi bosh muharriri lavozimida faoliyat yuritib kelayotgan edi.
Bundan oldin “Adib” nashriyoti, O‘zbekiston Yozuvchilar uyushmasi, “Sharq” nashriyot-matbaa aksiyadorlik kompaniyasida mas’ul vazifalarda ishlagan.
Nosirjon Jo‘rayev 1984-yilda Namangan viloyatining Namangan tumanida tug‘ilgan. 2005-yilda O‘zbekiston Milliy universitetini tamomlagan.
Ma’lumot uchun, mazkur sho‘baning sobiq mudiri Salim Ashurov “O‘zbekiston adabiyoti va san’ati” gazetasi bosh muharriri etib tayinlandi.
Izoh (0)