Oliy Majlis Senatida “Senat xalq manfaatlarini qanday himoya qilmoqda?” tanlovi g‘oliblarini taqdirlash marosimi bo‘lib o‘tdi. Unda Oliy Majlis Senati va Tanlov komissiyasi a’zolari hamda ommaviy axborot vositalari vakillari, blogerlar qatnashdi.
Tadbirda O‘zbekiston Respublikasi Oliy Majlisi Senati raisi Tanzila Norboyeva ishtirok etdi va nutq so‘zladi.
Mazkur tanlov jurnalist va blogerlar o‘rtasida katta qiziqishga sabab bo‘lib, mamlakatning barcha hududlarini qamrab oldi. Jumladan, tanlovda oltita nominatsiya bo‘yicha O‘zbekiston hamda chet el ommaviy axborot vositalarining 50 nafarga yaqin jurnalistlari va blogerlar tomonidan qariyb 500 ta ijodiy ishlar taqdim etildi.
Matbuot, televideniye, radio, internet nashrlari xodimlari (jurnalist, fotojurnalist), shuningdek, blogerlar tomonidan “Senatorning bir kuni”, “Senatning xalqaro faoliyati”, “Senator so‘rovi natijalari”, “Senat aralashuvi bilan hal bo‘lgan masalalar”, “Senat faoliyatidan yorqin misollar” kabi mavzularda reportaj, fotoreportaj, ocherk, teleocherk, radioocherk, tahliliy maqola, jurnalistik surishtiruv, teleko‘rsatuv, radioeshittirish kabi turli janrlarda taqdim etilgan materiallarni o‘rganish va belgilangan tartibda baholash asosida quyidagi jurnalist va blogerlar tanlov nominatsiyalari bo‘yicha g‘olib deb topildi.
Senat Raisi Tanzila Norboyeva tanlov g‘oliblariga Oliy Majlis Senatining medali, 1, 2, va 3-darajali diplomlar hamda esdalik sovg‘alarini topshirdi.
Yil davomida Oliy Majlis Senati faoliyatini tezkor, xolisona va keng yoritib kelayotgan “O‘zbekiston 24” teleradiokanali jamoasiga minnatdorlik bildirilib, “Eng yaxshi hamkor ommaviy axborot vositasi” nominatsiyasi bo‘yicha taqdirlandi.
- 1-o‘rin — “UzReport” telekanali;
- 2-o‘rin — Ruxsora G‘ofurova (O‘zEOAVMA Axborot markazining “Zamon” axborot-tahliliy dasturi muharriri);
- 3-o‘rin — Sohiba Aliqulova (Namangan viloyat teleradiokompaniyasi televideniye guruhi bosh muharrir o‘rinbosari).
- 1-o‘rin — Sayyora Allaberdiyeva (“O‘zbekiston 24” radiokanali katta muharriri);
- 2-o‘rin — Go‘zal Yaxudayeva (Qoraqalpog‘iston Respublikasi teleradiokompaniyasi katta muharriri);
- 3-o‘rin — Tursunov Zafar (O‘zEOAVMA Radio-Axborot markazi bosh muharriri).
- 1-o‘rin — Karimova Munisxon (“Xalq so‘zi” gazetasi muxbiri);
- 2-o‘rin — Aliyeva Munisa (“Darakchi” gazetasi muxbiri);
- 3-o‘rin — Tojiyeva Zamira (“Birja” gazetasi muxbiri).
- 1-o‘rin — “Kun.uz” internet nashri;
- 2-o‘rin — Abduraimova Norgul (O‘zA veb-sayt axboroti tahririyati Qonunchilik, huquqiy targ‘ibot va korrupsiyaga qarshi kurashish bo‘limi mudiri);
- 3-o‘rinlar — “Qalampir.uz” internet nashri; Povarov Dmitriy – “Rossiya segodnya” xalqaro axborot agentligi (Rossiya) muxbiri; Avezmatov Sherali – “Fars News” axborot agentligi (Eron Islom Respublikasi) muxbiri.
- 1-o‘rin — Madina Nurmanova – (“Daryo.uz” internet nashri fotomuxbiri);
- 2-o‘rin — Muhammadjon G‘aniyev – (“Kun.uz” internet nashri fotomuxbiri);
- 3-o‘rin — Hasan Paydoyev – (“Xalq so‘zi.uz” internet nashri fotomuxbiri).
- 1-o‘rin — Nozimjon Safarov (“Nozimsafari” Telegram kanali muallifi, bloger);
- 2-o‘rin — Qobil Xidirov – (“Davletovuz” Telegram kanali muallifi, bloger);
- 3-o‘rin — Shahnoza Soatova – (“Shahnozxon” Telegram kanali muallifi, bloger).
Izoh (0)