“Liverpul” a’zosi Sadio Mane futbol bo‘yicha Angliya Premyer Ligasining noyabr oyidagi eng yaxshi o‘yinchisi deb topildi.
Mane noyabr oyida musobaqa doirasida to‘rtta o‘yinda uchta gol urdi va bitta golli uzatmani amalga oshirgandi. Sadio faoliyatida uchinchi marta Premyer Ligada oyning eng yaxshi futbolchisi deb topildi. 2017-yil avgusti va 2019-yil martida ham u bu nomga loyiq ko‘rilgandi.
Ma’lumot uchun, Mane joriy mavsum Angliya chempionatida 15 ta o‘yinda maydonga tushib, to‘qqizta gol urdi va oltita golli uzatmani amalga oshirdi.
2019/20-yilgi mavsum musobaqa doirasida oyning eng yaxshi futbolchisi bo‘lganlar ro‘yxati:
- Avgust — Teyemu Pukki (“Norvich”)
- Sentabr — Pyer-Emerik Obameyang (“Arsenal”)
- Oktabr — Jeymi Vardi (“Lester”)
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)