Farg‘ona—Vodil, Farg‘ona—Avval yo‘llarida avval mavjud bo‘lib, keyinchalik Prezidentning postlarni olib tashlash kerakligi haqidagi buyrug‘i bilan faoliyati to‘xtatilgan nazorat postlari qayta tiklandi. Bu haqda “Sof.uz” xabar berdi.
Viloyatlar o‘rtasidagi postlarning yo‘q qilinishi haqida O‘zbekiston Prezidenti Shavkat Mirziyoyev 2017-yil 22-dekabrda parlamentga yo‘llagan murojaatnomasida ma’lum qilgandi. Bu kabi postlar odamlarning harakatini cheklashi, shuningdek, iqtisodiyot hamda ichki va tashqi turizmning rivojlanishiga salbiy ta’sir ko‘rsatishi ta’kidlangandi.
“Daryo”ning hukumatdagi manbalari ushbu ma’lumotni tasdiqladi. Haqiqatan ham Farg‘ona—Vodil, Farg‘ona—Avval yo‘llaridagi postlar qayta tiklangan. Postlar 22-dekabrgacha faoliyat yuritadi, saylovdan so‘ng postlar yana tugatiladi. Ushbu postlarni qo‘riqlash Milliy gvardiya va DXX xodimlariga topshirilgan.
Izoh (0)