Bundan 6 oy muqaddam Iste’molchilar huquqlarini himoya qilish jamiyatlari federatsiyasi Chirchiq shahrida o‘z-o‘zidan yonib ketgan Cobalt avtomashinasi haqida ma’lum qilib, iste’molchiga javobgar “Qibray avto-moto servis” MChJ tomonidan 97 497 380 so‘m kompensatsiya undirilishi to‘g‘risida sud qaroriga erishilganini bildirgandi.
O‘zAga ko‘ra, bu muammo shu bilan yakun topmadi. “Qibray avto-moto servis” MChJ rahbariyati ushbu qarordan norozi bo‘lib, Oliy sudga nazorat tartibida murojaat qilgan.
2019-yil 11-noyabr kuni Oliy sud mazkur murojaatni ko‘rib chiqdi va javobgar “Qibray avto-moto servis” MChJ rahbarining shikoyati bo‘yicha sud hujjatini nazorat tartibida qayta ko‘rish uchun asoslar mavjud emas deb topdi.
Bundan tashqari, MChJdan davlat daromadiga 3 899 896 so‘m davlat boji undirilishi ham sud qarorida keltirib o‘tildi.
Izoh (0)