G‘arbiy Afrikadagi Burkina-Faso davlatining sharqiy qismida joylashgan cherkovga ibodat chog‘i uyushtirilgan hujum oqibatida 14 kishi otib o‘ldirildi. Bu haqda Reuters xabar bermoqda.

Foto: Reuters

Qurbonlar orasida o‘smirlar ham bo‘lgan. Jangarilarning shaxsi hozircha aniqlangani yo‘q.

Hujum Futuri qishlog‘ida amalga oshirilgan. Ushbu qishloq joylashgan mintaqa notinch hisoblanadi va tez-tez bunday hodisalar yuz beradi.

Ma’lumot uchun, Burkina-Fasodagi Salmossi qishlog‘ida 11-oktabr kuni masjidga hujum uyushtirilgan va 16 kishi o‘ldirilgandi.