“Interpol”ning O‘zbekistondagi Milliy markaziy byurosi tashkil etilganiga 25 yil to‘ldi

Ichki ishlar vazirligida “Interpol”ning O‘zbekistondagi Milliy markaziy byurosi tashkil etilganining 25 yilligi nishonlandi. Bu haqda IIV axborot xizmati xabar bermoqda.

Tadbirda vazirlik rahbariyati, shaxsiy tarkibi va boshqa mehmonlar ishtirok etdi.

Ichki ishlar vazirining birinchi o‘rinbosari, polkovnik Aziz Toshpo‘latov “Interpol”ning Milliy markaziy byurosi xodimlarini bayram bilan muborakbod etib, xalqaro jinoyatchilikka qarshi kurashish va qidiruvdagi shaxslarni qo‘lga olishda ularning hissasi beqiyos ekanini ta’kidladi.

Ichki ishlar vaziri buyrug‘i bilan “Interpol”ning O‘zbekistondagi Milliy markaziy byurosi boshlig‘i, polkovnik Rustam Isroilov 1-darajali “Ichki ishlar organlarida benuqson xizmatlari uchun”, bo‘lim boshlig‘i polkovnik G‘anijon Alimuhammedov 2-darajali “Ichki ishlar organlarida benuqson xizmatlari uchun” ko‘krak nishonlari bilan taqdirlandi.

Bundan tashqari, xizmatda yuksak natijalarga erishgan bir guruh xodimlarga IIVning qimmatbaho esdalik sovg‘alari topshirildi.