Tramp kutilmaganda rafiqasi bilan Afg‘onistonga keldi

AQSh prezidenti Donald Tramp rafiqasi Melaniya hamrohligida 28-noyabr kuni kutilmaganda Afg‘onistonga keldi. Bu haqda “Interfaks” xabar bermoqda.

Tramp Kobul shimolida joylashgan “Bagram” aviabazasida amerikalik harbiylar bilan Shukronalik kunini nishonlagani aytilmoqda.

Shuningdek, Tramp Afg‘oniston prezidenti Ashraf G‘ani bilan muzokaralar o‘tkazgan va mamlakatda o‘t ochish tartibini o‘rnatish masalalarini muhokama qilgan.

Tramp “Bagram” aviabazasidagi chiqishi chog‘ida AQSh va “Tolibon” harakati Afg‘onistondagi mojaroni bartaraf etish bo‘yicha muzokaralarni tiklaganini ma’lum qilgan.

Ma’lumot uchun, bu Donald Trampning AQSh prezidenti martabasida ilk bor Afg‘onistonga kelishi.