Bugun,

  • USD 10940.05
  • RUB 182.26
  • EUR 11121.65

Shu yilning dekabr oyidan boshlab O‘zbekistondan Rossiyaning Moskva, Samara, Peterburg, UFA kabi 10 ta shahriga muntazam avtobus qatnovi yo‘lga qo‘yiladi.

Foto: O‘zA

Foto: O‘zA

O‘zAning xabar berishicha, avtotransport xizmatini rivojlantirish borasida O‘zbekiston Tashqi iqtisodiy faoliyat milliy banki tomonidan yirik loyihalar amalga oshirib kelinmoqda.

Xususan, Uzavtotrans Service MChJ korxonasiga bank tomonidan 20 million dollar kredit mablag‘i ajratilgan bo‘lib, ushbu mablag‘ hisobidan korxonaga Xitoyning Zhengzhou Yutong Bus Co Ltd kompaniyasidan 168 dona zamonaviy avtobus va ehtiyot qismlar olib kelingan.

Foto: O‘zA

Foto: O‘zA

Uzavtotrans Service MChJ korxonasi tomonidan shu yilning kelasi oyi — dekabrdan boshlab Rossiyaning 10 shahriga muntazam avtobus qatnovlari yo‘lga qo‘yilishi rejalashtirilmoqda.

“Ayni paytda 19 ta mahalliy va 10 xalqaro, jami 29 ta yo‘nalish bo‘yicha yo‘lovchilarga xizmat ko‘rsatyapmiz. Kelasi oydan boshlab xalqaro yo‘nalishlar yana 10 taga ortadi. Yo‘nalishlarga zamonaviy 168 ta avtobus qo‘yilgan bo‘lib, yo‘lovchilar uchun barcha qulaylik mujassam”, — degan Uzavtotrans Service MChJ bosh direktori A.Hamroliyev.

Foto: O‘zA

Foto: O‘zA

Qayd etilishicha, bu borada korxona tomonidan xavfsizlik masalalariga alohida e’tibor qaratilgan. Xususan, yo‘nalishga chiqayotgan har bir avtobus texnik, haydovchilar esa tibbiy ko‘rikdan o‘tkaziladi, avtobuslarning sanitar holati muntazam nazorat qilinadi. Qatnov jarayoni esa GPS tizimi orqali onlayn tarzda nazorat qilib boriladi.

Shuningdek, “Toshkent” avtovokzalida ham ulkan bunyodkorlik ishlari amalga oshirildi. Jumladan, majmua shu yilning may oyida foydalanishga topshirilib, u yerda bir vaqtning o‘zida 2 mingdan ziyod yo‘lovchiga xizmat ko‘rsatish imkoniyati yaratilgan.

Foto: O‘zA

Foto: O‘zA

Avtoshohbekatda dispetcherlik xizmati, chiptaxona, kutish zali va VIP zalda yo‘lovchilar uchun barcha sharoitlar yaratilgan. Mehmonxona, ona va bola hamda tibbiyot xonalari, savdo do‘konlari, kafe-bar, milliy taomlar oshxonasi kecha-yu kunduz yo‘lovchilarga xizmat qilmoqda.

Avvalroq Toshkentdan Qozog‘istonning Xorgos va Petropavlsk shaharlariga avtobus qatnovi yo‘lga qo‘yilgan edi.

Izoh
Asosiy yangiliklar
Mahalliy
Nukusda bir-biri bilan mushtlashgan maktab o‘quvchilarining ota-onasi jarimaga tortildi
Mahalliy
AQSH elchixonasi O‘zbekiston armiyasi shifokoriga minnatdorchilik bildirdi
Dunyo
Xitoy olimlari dunyoda birinchi bo‘lib Arktika bo‘risini klonlashtirdi (video)