28-noyabr kuni fuqarolik ishlari bo‘yicha Xorazm viloyati sudining kassatsiya instansiyasi bloger Nafosat (Shabnam) Olloshukurova ruhiy kasalliklar shifoxonasida davolanishni davom ettirish yuzasidan qaror chiqardi. Bu haqda “Ezgulik” inson huquqlari jamiyati faoli Abdurahmon Tashanov Facebook’dagi sahifasida ma’lum qildi.
Ruhiy kasalliklar shifoxonasiga kelgan sud hay’ati shifokorlarni eshitgan, Shabnamning o‘zini tinglagan, advokat Umid Davlatov tomonidan keltirilgan vajlarni o‘rgangan. Sud qaroriga ko‘ra, Shabnam muayyan muddatga yana muolajalar oladi.
21-oktabr kuni O‘zbekiston Respublikasi Oliy Majlisining Inson huquqlari bo‘yicha vakili (Ombudsman) monitoring guruhi Nafosat Olloshukurova bilan uchrashgan edi.
Nafosat Olloshukurova 26-sentabr kuni sud qaroriga ko‘ra, Xorazm viloyatining psixologik kasalliklar dispanserida majburiy davolanishga joylashtirilgan edi.
Izoh (0)