Investitsiyalar va tashqi savdo vazirligi hamda Davlat bojxona qo‘mitasining tovarlarni bojxona hududida qayta ishlash bojxona rejimiga joylashtirishni soddalashtirish to‘g‘risidagi taklifi ma’qullanishi mumkin. Bu normativ-huquqiy hujjatlar muhokamasi portalida joylashtirilgan Prezident qarori loyihasida ko‘zda tutilgan.
Qaror loyihasiga muvofiq, 2020-yil 1-yanvardan boshlab shunday tartib o‘rnatiladi:
a) tovarni bojxona hududida qayta ishlashga quyidagi talablarga va shartlarga rioya etgan holda yo‘l qo‘yiladi:
- olib kirilgan tovarni uni qayta ishlash mahsulotlarida identifikatsiyalash;
- qayta ishlash mahsulotlarining chiqish normasini belgilash;
- tovarlarni taqiq va cheklovlardan istisno etish;
- tovarlarni ishlab chiqarish;
- tovarlarni qayta ishlash, shu jumladan montaj qilish, yig‘ish, yoki boshqa tovarlarga moslashtirish;
- tovarni ta’mirlash, shu jumladan, uni tiklash va ish holatiga keltirish;
- qadoqlash, o‘rash va saralash;
- tovarlarni tozalash.
Qayd etilishicha, O‘zbekistonga oxirgi 4 yil davomida 8 328,5 million dollarlik yoki umumiy import hajmining 17,5 foizi miqdorida texnologik uskunalar olib kelingan. Shu bilan birga tovarlarni qayta ishlash va ichki ishlab chiqarish hajmi o‘rtacha 7,8 foizga o‘sgan bo‘lib, bu respublikaning ishlab chiqarish salohiyatidan to‘liq foydalanilmayotganligidan dalolat.
Izoh (0)