Bugun,

  • USD 10940.05
  • RUB 182.26
  • EUR 11121.65

Qonunchilik palatasining 21-noyabr, payshanba kuni o‘tkazilgan majlisida deputatlar tomonidan “Ov qilish va ovchilik xo‘jaligi to‘g‘risida”gi qonun loyihasi ikkinchi o‘qishda ko‘rib chiqildi, deb yozmoqda Norma. Biroq moddama-modda muhokamadan so‘ng loyiha mas’ul qo‘mitaga qaytarilgan.

Qonunchilik palatasi tomonidan mazkur qonun loyihasi iyun oyida birinchi o‘qishda kopseptual jihatdan qabul qilingan edi. Qonun atrof-muhitni muhofaza qilish uchun qulay shart-sharoitlar yaratilishi, hayvonot dunyosidan oqilona foydalanish, davlat nazorati takomillashtirilishi, ov turizmining rivojlantirilishi hamda ov xo‘jaliklari holatining yaxshilanishiga xizmat qilishi lozim.

Qayd etilishicha, deputatlar hujjatni muhokama qilib bo‘lgach, uning ikkita normasini prinsipial jihatdan ma’qullamadi:

1) “ov” tushunchasi ilmiy faoliyat va nazorat maqsadlarida bir xilda qo‘llaniladi. Parlament a’zolarining fikricha, bu turli narsalar bo‘lib, ularni biri-biridan farqlash lozim. Fanlar akademiyasi Zoologiya instituti laboratoriyasi mudiri Elmurod Shernazarov ushbu fikrni qo‘llab-quvvatladi. Uning so‘zlariga qaraganda, ilmiy maqsadlar uchun “ov” tushunchasi to‘g‘ri kelmaydi;

2) faqat ovchilar jamiyati birlashmasiga a’zo bo‘lganlar ov qilishga haqliligi nazarda tutilmoqda. O‘zbekistonda 38 mingdan ortiq ovchi bor. Ularning barchasi avval NNTga a’zo bo‘lishi, keyin esa ov qilishi kerak bo‘ladi. Deputatlar “Nodavlat notijorat tashkilotlari to‘g‘risida”gi qonunning 18-moddasi uchinchi qismidan havola keltirib, buni insonning huquq va manfaatlarini cheklash deb hisoblagan. Aks holda ovchilar jamiyati birlashmasining guvohnomasiga ega bo‘lmagan havaskor baliq ovlovchi yoki ovchi baliq tutolmaydi yoki ov qila olmaydi — bu brakonyerlik hisoblanadi.

Shu sababli qonun loyihasi mas’ul Ekologiya va atrof-muhitni muhofaza qilish qo‘mitasiga qaytarilgan.

Ma’lumot uchun, hozir O‘zbekiston hududida Ov va baliq ovlash qoidalari amal qilmoqda, ularga muvofiq:

  • ilmiy faoliyatida yuridik jihatdan aynan to‘g‘ri keladigan “hayvonlarni tutish” atamasi qo‘llaniladi;
  • NNTga a’zo bo‘lmagan shaxslar uchun biror-bir cheklovlar belgilanmagan.

Izoh
Asosiy yangiliklar
Mahalliy
Toshkentdagi ayrim ko‘chalarda tezlik pasaytirilishi kutilmoqda
Mahalliy
“O‘zbekona urf-odatlarga to‘g‘ri kelmaydigan raqs”. Navoiyda raqsga tushgan qizlarning ota-onalariga chora ko‘rildi (video)
Dunyo
Alla Pugachyova farzandlari bilan birgalikda Rossiyani tark etdi