Internet Eronning asosiy qismida ishlashni boshlagan. Bu haqda mamlakat prezidenti Hasan Ruhoniy ma’lum qilgan, deb yozmoqda “TASS”.
“Eronning asosiy qismida internet xizmatlari qayta yoqilgan”, — deydi Hasan Ruhoniy.
Shuningdek, u qishloqlarda barcha global tarmoqqa kirish imkoniyatiga ega ekanligini bildirgan.
Xabarga ko‘ra, Eronning Tehron, Qum va Kazvin shaharlari, shuningdek, Ko‘xgiluye, Boyirahmad, Xo‘rmo‘zgan, Sharqiy Ozarbayjon va Busher viloyatlarida ham internet ishlamoqda.
Eronda internet 17-noyabr kuni 15-noyabrda benzin narxining oshirilishi tufayli boshlangan norozilik namoyishlari oqibatida o‘chirib qo‘yilgan. 21-noyabr, payshanba kuni hukumatning mamlakatda internetni qayta ishga tushirgani xabar qilingan. Ushbu xabardan keyin AQSh davlat kotibi Mayk Pompeo forslardan davlat departamentiga namoyishlar bilan bog‘liq fotosuratlar, videolar va boshqa axborotlarni yuborishni so‘ragan. Eron tashqi ishlar vaziri AQShning forslar aloqa va kommunikatsiyalar vaziriga nisbatan sanksiya qo‘llaganiga munosabat bildirib, Vashington uchun internetdan foydalanishdagi erkinlik masalalari ahamiyatga ega emasligini qayd etgan.
Izoh (0)